معانات الراقصة الجميلة جزء 6

فهد: عفاك احياتي الي كنتي كتبغيني غير شوية غادي ديري اي حاجة علي قبلي
شديت ليه وجهو بيدي وبقيت كنشوف فعينيه
انا: فهد انا كنبغيك و نقدر ندير اي حاجة علي قبلك ولكن هادي لا بلا ماضغط عليا عفاك 
فهد: صافي احياتي سمحي ليا الي عصبتك انا هاد لموضوع لي كيعصبك غادي نساه (وباسني فمي غرقنا فديك لبوسة طولنا فيها )
فهد: اشنو دابا احياتي سمحتي ليا حيت ضربتك
انا: هانية احبيبي غير ماتعاودش
فهد: لا لا مانعاودش اخير مرة انشاء لله ههه
انا: اوي كيما قلت ليك ختك من حقها تعيش معاك انا غير تعطيني تيساع
فهد: لا صافي بلاش
انا: صافي افهد قلت ليك ماشي مشكيل باش حتي انت تهني من جيهتها وانا واخا كنقول هاد لهضرة شي نهار غادي نسامح ليها ولكن ماشي دابا خاصني شوية ديال لوقت
فهد: انا عارفك قلبك بيض و حنينة وماكينش بحالك وكيما سمحتي ليا غادي تسمحي ليها ناري كنحماق عليك المسخوطة راه غادي ناكلك
انا:ههه حتي كنت كنسطي عليك و دابا كنموت عليك انا كنعرف لمروات الي كيتوحمو اغلبيتهم ماكيحملوش رجالتهم و انا عكسهم عاد كنزيد نبغيك مكرهتش نبقي غير نشوف فيك مافيهاش هاد لولد ولا هاد لبنت لي فكرشي غيطلع كيشبه ليك
فهد: سعداتي ولله ودابا ملي تولدي مابقيتيش غادي تحمليني ياك
انا :باركة من لحماق شوف ماتمشيش فهاد صباح لخدمة بقا معايا وحتي لعشية و سير
فهد: انا غادي نبقي معاك صباح و عشية حتي تملي مني
انا: لا ماغاديش نمل منك واخا تخرج من ديك لخدمة و تبقا معايا ديما ياله نقدر نعوض شوية من دوك سينين لي خليتيني فيهم هههههه
فهد: بصح كنت حمار تفكيري كان غالط علاش خليتك علاش كون فكرت مزيان ماغاديش نوصلو لهادشي
انا: (بأبتسامة) صافي احياتي داكشي فات انا دابا انت لي كاتهمني وهادشي مكتاب لمهم عرفت قداش كتبغيني
مهم دوزنا داك نهار زوين فيه ضحك و رومنسية مرة مرة ملي وصل ليل مشينة نعسو
فهد: رباب مهم انا قلت لأمين يجيب جيهان غدا الي كنتي مابغيتيش ولا بدلتي رائ قوليها ليا قبل ماتجي
انا: لا لا انا مابدلتش رائ ديالي و اي حاجة تفرح حبيبي نقدر نديرها مهم نكون انا وياك وماعمرك تبعد عليا
فهد: ديما كتغلبيني بهاد ضرفات ديالك
انا:هه لا لا احبيبي انا ولله ماضريفة ماشي كيما كنبان ليك ولكن ناس لي كانبغي كنتعامل معاهم مزيان
فهد؛ هه فراسك واش خلعتيني واعرة مع راسك
انا: واخا واعرة ولكن ماوعراش عليك
فهد:لا لا ولله الي انتي واعرة عليا
انا: راه قلت ليك ماوعراش عليك
فهد: لا واعرة عليا او وا انتي قدرتي ديريها بيا انا و ديريها بجاك لي شحال و انا كنقلب عليه جبتيه ليا انتي فصيمانة انا: هههههه واخا هكاك ماوعراش عليك عرفتي صباح كون شي حد اخر لي صرفقني ولله حتي نجفف بيه لأرض ولكن انت واخا كضربني مكنقدرش حتي نشوف فيك
فهد: غير حيت كتبغيني داكشي علاش ماتقدريش ترجعي ليا ضربة ولكن كون غير كترجعي ليا ضربة حسن مانشوفك كتبكي وانا عارفك مكاتخافيش عاود ليا امين علي زعمة ديالك
انا:عرفتي افهد شكون توحشت
فهد:شكون
انا : وائل
فهد: ( بغضب وكيخنزر فيا)كيفاش علاش زعما ماقلتيش امين ولا نتاشا ولا شي حد اخر علاش وائل بضبط و واش هضرتو كتعجبك
انا:انا غادي نعس (ضرت لجيها لخرا ودرت ابتسامة شريرة ههه كيعجبني نضحك معاه و نعصبو )
فهد: واش انا كنهضر معاك و انتي بغيتي تنعسي
انا: اوي اش غادي ندير ليك انا جاني نعاس
فهد: لا ماغاديش تنعسي حتي تشرحي ليا
انا: انا اشنو دنبي راه انت لي ماكتيقش فيا
فهد: لا ماشي ماكنتيقش فيك
انا:ههههه راه غير كنضحك معاك وائل بحال خوية انا توحشتهم كاملين ولله غير بغيت نشد فيك كيعجبني نعصبك
فهد:( كيخنزر مطلع حاجب و مهبط حاجب )
انا: فهد ولله ماكرهت نشوفهوم
(بقا مخنزر و نعس عطاني بضهر )
انا: ياك افهد دابا خليتيني كنهضر بوحدي
فهد: بغضب صافي نعسي و خليني غدا غايجيو يتعشاو معاك و شبعي منهم و من سي وائل ديالك خليني نعس
انا:(دايرة يدي علي فمي و ميتة بضحك عرفت راسي عصبتو بالبيان درت راسي زعما تقلقت هههه)
ايه اسي فهد وائل بعدا ديما كيضحكني و شاد ليا لخاطر ماعمرو قلقني ماشي بحالك انت ديما كتقلقني و كضربني و دابا غادي نعس مقلقة منك عاوتاني و نعست و عطيتو بضهر و كنضحك بشوية واحد شوية دار و عنقني زير عليا و خشاني فيه انا باقي كنضحك
فهد: انتي ديالي بوحدي واخا نضربك و نقلقك مانخليش شي واحد يقرب ليك و لا يقلقك و لي مس شعرة منك ولله حتي نقتلو ونشرب من دمو كنبغيك المرض
انا: انت مغيار بزاف ولله غير نقص منها
فهد:انا كنغير عليك من حوايجك عاد مانغيرش عليك من بنادم انا راه كنموت الي قرب ليك شي حد من غيري
انا:انا كتر منك الي شفت شي وحدة قربات ليك شي نهار ولله حتي نرتاكب فيها شي جريمة
فهد: هه حسن عوان هادي لي تفكر حتي تشوف فيا انا: ولله حتي نعمي ليها دوك لعنين باش كاتشوف راه ماكنضحكش ولله حتي نديرها
فهد: لله يستر اوي عطيني بوسة ديالي و نعسي احياتي تصبحي علي خير
انا: تصبح علي خير بستو و نعست
فصباح فقت معطلة دخلت دوشت نشفت شعري ولبست حوايجي هبط نفطر لقيت امين و جيهان و فهد كيهضرو وكيضحكو سلمت علي امين
انا: امين لاباس عليك اش هاد لغيبة اش خبار كارولين
امين:حمد لله بخير ديما كتسول عليك فهد اش خبارك مع لحمل 
انا: انا لاباس حمدلله (مشيت لكوزينة فطرت شربت دواء و رجعت جيهان غير تابعاني بعينيها بغات تهضر معايا ولكن مقدراتش انا كنهضر مع امين وفهد هزيت تيليفون ديال فهد كنلعب فواحد لعبة درتو فواضع صامت حيت صدعني بقيت شحال كنلعب و فهد و امين كيهضرو علي لخدمة حتي وصلوني 2 ميساجات فتيليفون ديال فهد من نمرة مامسجلاش فيه ماديتهاش فيهم كملت لعب ولكن شيطان وسوس ليا فراسي و دخلت نقراهم وياريت مادخلت شي وحدة كتصيفت ليه ميساجات بغات تشوفو وكتغزل فيه كانت دايرة معاه واقيلة و تعطل عليها طلع ليا دم مابقيت عارفة اش ندير نضت من حداهم و طلعت لبيت
امين: رباب مالها بانت ليا بحال الي تقلقات
فهد: ماعرفت ياله كانت بخير
جيهان : لا بانت ليا بحال الي تقلقات انا كنعرف رباب الي تقلقات كدير هاكا
فهد:لعجب هاد ليامات ماعرفت مالها انا غادي نمشي نشوفها و نرجع
دخل عندي فهد لبيت
فهد: مالكي ياك لاباس
انا ساكتة ماكنجاوبوش واه زعما يكون كايخوني مايمكنش كون كان كيخوني غادي يمشي عندها ماغاديش يخليها تسنا و شحال من مساج صيفتات ليه وماجوبهاش خاصني نعرف اش تحت راسو وشكون هاد خيتي لي بغات تشوفو
فهد: راه معاك كنهضر فين سرحتي حالك مابقاش عاجبني انا : لا مامالي والو غير ضرني راسي شوية
فهد: ياكما نجيب ليك طبيب احبيبة
انا : لا لا ماكين لاش راه فاتني لحال غير تهنا
فهد: اوكي الي حسيتي براسك مريضة قوليها ليا
انا: واخا احياتي
فهد: مهم انا راه خارج
انا: فين غادي واش ماغاديش تبقا معايا ليوم
فهد: لا لا ليوم لا كان عندي واحد لموعد مهم تعطلت عليه انا غانمشي دابا مهم وجدي راسك راه لعشية غادي يجيو عندك صحابك وسي وائل ديالك حتي هو
انا: موعد مهم ديالاش هاد لموعد بعدا
فهد: من إمتي كتسوليني علي لخدمة و لمواعيد ديالي ياك كنقول ليك ماتبقايش دخلي فشي حاجة ماكتخصكش
انا: كون ماكنتيش كتهمني ولله مانسول فيك ولكن نستاهل انا لي حمارة هادي اخر مرة غندخل فيك ضبر لراسك مالي انا شغلي
فهد: لا احبيبة ماتقوليش هاكا انا غير ماكنبغيش نبرزطك بلماشاكيل ديال لخدمة وديالي
قربت حداه حطيت يدي بجوج علي عنقو وهو حط يديه علي لخصر ديالي وقلت ليه بصوت حنين
انا: فهد انت راجلي و من حقي نشاركك لحلوة و المرة كلشي فيك ماشاكيلك واي حاجة كتعلق بيك كتهمني
فهد: (جرني ولصقني معاه ) انا اصلان غير كنشوف عويناتك كنسا راسي ماشي غير مشاكيلي هزني حتي وليت قدو وباسني فمي بوسة طويلة حتي حل امين لباب و دخل علينا هه
امين : حم حم
فهد: واش ماكتعرفش دق فالباب قبل ماتدخل
امين: راه شحال دقيت ملي ماجاوبني حتي حد حليت صحابني واقعة شي حاجة تعطلتي عليا
فهد: اوي صافي هاني ساليت زيد نمشيو
مشا فهد و امين وانا بقيت فالبيت كنفكر زعما فهد يكون غادي يتلاقي معاها ومن بعد هو كيبغيني مايمكنش يبدلني بشي وحدة مابغيتش نخرج باشما نتلاقاش معا جيهان تقول ليا شي هضرة ماتعجبنيش ونصدق ضرباها و يتقلق مني فهد داكشي علاش تفاديت الماشاكيل و بقيت جالسة غير فلبيت حتي داني نعاس مافقت حتي لستة ديال لعشية خمرت ههه دخلت دوشت و نشفت شعري لبست كسوة كحلة و درت مكياج خفيف حتي دخل فهد
فهد: الاميرة ديالي جيتي زوينة كيف ديما
انا: ربي يخليك ليا احياتي
فهد: اشنو درتي ليوم بلا بيا
انا: والو ملي مشيتي وانا ناعسة ياله فقت عرفتي اشنو ولله الي قنط فدار مكرهتش نخرج انا وياك
فهد: اوكي حبيبة غادي نحل واحد لمشكيل صغير و تقدري تبداي تخرجي كيما بغيتي
انا: واش مازال ماشديتو هادوك لي ضربوك بالرصاص
فهد: وي شديناهم هوما و هادوك لي خدامين مع جاك بقا واحد لمشكل صغير صافي من بعد نقولو ليك دابا وجدي راسك واحد شوية و يجيو صحابك ههه
انا : اه انا واجدة اجي ولعشا اشنو نديرو فيه
فهد: هههه راه جيهان و صاحبتها وجدو كولشي جبت ليهم داكشي لي خاص
انا: اه مزيان بعدا دارت صحابات مهم حتي نتاشا غادي تجي ياك ولله الي توحشتها
فهد: اوي سعداتهوم بعدا هما كتوحشيهم
انا:وراه شحال هادا ماشفتهوم وتوحشتهوم اما انت حداية و كنتوحشك هههه
دازت ساعة و جات نتاشا و مريم و كارولين و امين و وائل
بقينا كنهضرو ونضحكو كيف ديما داك وائل كيقتل بضحك واحد شوية جلسات جيهان و صاحبتها نيكول (لبنت لي ضربتها فريسطو )زعما تصاحبات مع جيهان باش تبقي قريبة من فهد هههه
وائل: مالكي كضحكي مع راسك
انا: لا غير تفكرت نكتة تاع قبيلة ضحكاتني 
فهد: هههه ياله وصلاتك
انا: لا غير وقتما تفكرتها كنضحك
مهم بقينا عاطينها لنكات و ضحك هاديك نيكول غير كتشوف ففهد عصباتني غير مابغيتش ندير فيها يدي حشوما ناس
نتاشا: جات حدا ودني مالكي ارباب بنتي ليا مغيرة
انا : عصباتني هاد لكلبة غير تابعة فهد فينما مشا
نتاشا: تهدني اصاحبتي هو اصلان كاعما داها فيها غير انت لي زدتي فيه
انا: راه كانت بيناتهم علاقة و انا غير كنتفكر بلي كانت بيناتهم شي حاجة كانبغي نقتلها
نتاشا: صافي دابا غير نساي ماديريش فبالك
وصلات وقت لعشة و مشينا نتعشاو كلشي كياكل و ساكت انا مابغيتش ناكل غير كنلعب فطبسيلي
نتاشا: رباب شفتك ماكاتاكليش مالكي
انا: لا انا مافياش جوع و اصلان هادشي ماعجبنيش
كارولين: اهه زعما كتوحمي
مريم : حبيبة واش نقادو ليك شي حاجة خرا
وائل: لالة رباب اش حبات خاطرك نمشي دابا نجيبها ليك
انا: بصح اوائل
وائل: وي بصح غير طلبي
انا: انا بغيت بيتزا و كلاص ديال شكلاط
وائل: واخا ازين 5دقايق و نجيبهم ليك
انا: يخليك ليا هه
مريم : حتي انا بغيت كلاص ديال شكلاط
كارولين و امين : حتي حنا
نتاشا دير لخير و جيب لينا كاملين ههه
مشا وائل جاب لينا داكشي لي طلبنا بقينا كاناكلو و كنضحكو فهد بحال الي تقلق حيت ملي جاو ماديتهاش فيه كنضحك معهم غير هما دوزنا ليلة زوينة كلشي مشا فحالو بقات غير نيكول صاحبت جيهان ههه طلبات جيهان من فهد تبات معاها
انا: فهد ياله نعسو
فهد: اوكي ياله احياتي
نيكول: تصبح علي خير افهد
فهد: تصبحو علي خير
شديت ليه فيديه و تمينا طالعين
انا:(بدلع) حياتي عفاك هزني راه عييت (حتي هو علي سبة هزني بحال ريشة عنقتو و طلعنا لبيت دخل دوش و خرج دخلت موراه دوشت خرجت لقيتو فسابع نوما بستو فجبهتو و نعست فقت فصباح مالقيتوش حداية دخلت لدوش غسلت و جهي و سناني مشط شعري و طلقتو و هبط تميت غادية لكوزينة كانسمع لهضرة بقيت كنتصنط من ورا لباب
نيكول: فهد كيف جاك لفطور
فهد: زوين مغسي
نيكول : انت خاصك شي وحدة تهلي فيك و تشوف اش خاصك ماشي بحال هاديك مقابلة غير نعاس
فهد: هاديك لي كتهضري عليها راه مراتي و الي بغيت شي وحدة تشوف اش خاصني و توجد ليا لماكلة راه غادي نجيب لخدامة و ماشي صعيب عليا نجيب حتي 10 غير انا ماكنتيق فحد و كنبغي نعتامد علي راسي
نيكول : ديزولي فهد انا غير كنضحك معاك مابغيتش نعصبك غير تهدن
(وبقات كتقرب منو و باستو فحنكو دخلت انا درت بحال الي ماشفت والو واخا عصباتني مشيت حدا فهد بستو
فهد: حبيبة صباح لخير
انا: صباح نور حياتي
فهد: جلسي تفطري باش تشربي دواك
انا: غانفطر بشرط انت توكلني بيديك كيف ديما
بقا كيوكلني بيديه و ديك خيتي بغات تموت بالفقصة ساليت و شربت دواء طلعت لبيت و فهد مشا لخدمة وصلات وقيت لغدا و هبط لكوزينة لقيتهم كيتغداو
جيهان: رباب اجي تغداي
نيكول: لا هي ماكتاكلش حتي كيوكلها فهد بيديه
جيهان: نيكول عفاك دخلي سوق راسك و خليها عليك الي بغيتي نبقاو مزيانين
انا:( غير كنخنزر فيهم) شوفي انتي اديك صفريتة خلي عليك فهد فتيقار و ماتبقايش تقربي منو ديالت صباح دوزتها ليك مرة خرا ولله مانعقل عليك غادي نفرجك فراسك مزيان اونتي دخلي سوق راسك الي بغيت ناكل عندي يدي ماغاديش نتسناك انتي حتي تعرضي عليا وزايدون هادي داري اوي حتارمو راسكم شوية
جيهان: لله يهديك ارباب انا ماقلت ليك حتي كلمة ديال لعيب
نيكول:هادي معرفت مالها علي سبة اوف ماعرفت كيفاش فهد مسكين مستحملها
انا: راه قلت ليك الحمارة متبقايش دكريه علي فمك 
وطرت عليها بواحد نتفا خليت دار بوها مزيان بردت فيها سم ديال دوك لميسجات و داكشي ديال صباح بقيت تضرب و نتف حتي سخفتها جات جيهان بغات تفك و انا نجمعها معاها حتي هيا حتي ساليت جريت هاديك نيكول) نوضي خرجي عليا من داري ماعمرك تعتبيها و لا ولله حتي ندير ليك كتر من هاكا الي رجعت و لقيتك باقي كادوري هنا غادي نعرف اش غندير معاك
مشيت لكوزينة هزيت داكشي لي بغيت ناكل و طلعت لبيت كليت شربت دواء ونعست شحال حتي كنسمع لغوات ماتسوقتش و رجعت نعست حتي جا فهد فيقني
فهد : رباب فيقي بغيت نهضر معاك
انا: ياك لباس اش بغيتي .
فهد: اش هاد تصرفات لي وليتي كاديري زعما وصيتك و انتي درتي داكشي لي قال ليك راسك
انا: هاي هاي علي لالة جيهان دغيا وصلاتها ليك سخونة
فهد: (بغضب)جيهان ماقلت ليا والو نيكول لي جات عندي لخدمة وعودات ليا علي هاد تصروفات صيبانية ديالك انا:ياك بنت لكلبة قلت ليها تبعد منك لاش مشات عندك ولله ونشوفها حتي نجفف بيها الارض
فهد: واش حماقيتي ولا اشنو اش دارت ليك باش ديري فيها ديك لحالة
انا: لا ماحماقيتش باينة انت لي بقات فيك و عاجبك لحال تبقي قريبة منك صباح شفتها ملي باستك جاك عادي شوف ماتبقاش تجيبها لهنا و الي كنتي بغيتها سير عندها وشبع منها لله يعاونكم انا غير مانبقاش نشوف وجها انا كنحلف ليك ولله و نشوفها كدور حدايا مانعقل عليها هاني فين قلتها ليك
فهد: لا لا ولله الي زدتي فيه نيت
انا: اييه ولا انت لي عجبك لحال دورهم عليك هالي تصيفت ليك ميساجات و دير معاها مواعيد هالي توجد ليك لفطور و تعنق و تبوس فيك لا تبارك لله عليك هادي هيا رجلة تبتني انا بجوج كليمات و حبسني فدار و دير انت لي بغيتي لي فيه شي عادة عمرها تحيد منو الي بغيتيهم سير معاهم للوطيلات كيما كنتي كادير ماتجيبهومش لهاد دار لهلا يردك لا انت ولا هما عطيوني غير تيساع
بقا فهد كيشوف فيا شحال وحيت انا الي تعصبت ماكنبقاش عارفة اش كانقول غير كندخل و نخرج فلهدرة
مانطق بحتي كلمة خلاني كنهضر ردخ بالباب و خرج حتي فقت من لقلبة راجعت افكاري و عرفت راسي اش كنت كنقول بقا فيا لحال بزاف واقيلة قلقتو بصح حماقيت بالبيان مافيهاش
خرجت من لبيت كنقلب علي فهد نطلب منو سماحة علي لهضرة لي قلت قلبت دار كاملة مالقيتوش قلبت جردة حتي هي مالقيتوش باينة غيكون خرج عوتاني وهو مقلق جلست فالجردة كنفكر من بعد مشيت كنتفرج حتي ضلام لحال وسي فهد مزال ماجا بقيت كنتسناه و كنتفرج حتي داني نعاس فليل جات جيهان كتفيقني
جيهان : رباب فيقي نوضي نعسي فبيتك
انا:😴 شحال فساعة
جيهان: هادي 3 ديال ليل من قبيلة و انتي ناعسة هنا
انا: اويلي علي 3 واش فهد مازال ماجا
جيهان : لا مازال
انا: (بخوف) ناري ياكما وقعات ليه شي حاجة
جيهان: تفايلي بلخير ارباب ماتعرفي عندو شي خدمة عطلاتو
انا: لا لا لا مامولفش يتعطل بحال هاكا شي حاجة واقعة خاطري مامهنينيش
جيهان : صافي ارباب نعلي شيطان وحيدي هاد الافكار من راسك وسيري تنعسي تقدر تكون ضروف غدا فالصباح غايكون حداك غير سيري رتاحي دابا
مشيت طلعت لبيت هزيت تيليفون كنصوني عليه والو تيليفونو طافي صونيت شحال و لكن بلا فايدة رجعت تكيت والافكار لخايبة كدخل لعقلي زعما يكون مع شي وحدة خرا مايمكنش زعما يكون كايخوني وبهاد سرعة ولا كان كيتسنا غير سبة باش يديرها اويلي اش هادشي كانقول محال يديرها محال ياربي راسي غادي ينفاجر بالافكار حاولت نعس والكن لليل كامل وانا نتقلب مابغاش يجيني حتي صبح صباح عاد غفيت ملي فقت حسيت براسي مدكدكة بحال الي كليت لعصة نضت دوشت و لبست حوايجي نزلت لقيت جيهان كتفطر و هازا تيليفون ديالها كتصوني علي شي حد قربت منها
جيهان: رباب صباح لخير جلسي تفطري
ماجوبتهاش غير كنخزر جلست نفطر وانا ساكتة
انا: علا من كتصوني واش فهد
جيهان : لا علي نيكول من لبارح وانا كنصوني عليها تيليفونها طافي وحتي فهد كنصوني عليه و تيليفونو طافي انا: (بغضب)اشنو كتقصدي زعما يكونو مع بعضياتهم دابا
جيهان: مالكي ديما سابقة الاحداث شكون قال ليك هوما بجوج يمكن هو عندو شي خدمة مهمة ولا شي حاجة
انا: هانتي قلتيها يمكن عندو شي خدمة و ممكن يكون معاها
جيهان: لله يهديك ارباب بلا ماتبقاي تفقصي فراسك راك حاملة حتي يجي وديك ساعة نعرفو اش كاين
انا: ولله ماعرفت لوسواس فراسي ماعرفت اش واقع ليا هاد ليامات وليت كنشك فيه بزاف اه بعدا وريني نمرة ديال ديك نيكول
وراتها ليا وطلعات هي نمرة لي كانت صيفتات ليه دوك لمساجات
انا: اوي شفتي ها لي قلنا ولله الي بيناتهم شي حاجة مافيهاش ولله الي نمرتها هاديك
جيهان : مالكي اشمن نمرة
انا : هاديك لكلبة هي لي كاتصيفت ليه لمساجات و دير معاه مواعيد وتلاقي هي وياه كيلعب ورا ضهري وانا كي لحمارة تايقة فيه
جيهان : صافي تهدني ارباب لله يخليك
انا: كيفاش نتهدن اجي انتي منين كتعرفيها بعدا
جيهان: تعرفت عليها دوك ليامات لي كنتي مع جاك كانت كاتجي عندي و تبقي معايا فدار و ول لبارح فهد لي جابها معاه باش تعاوني
انا: هههههههههههه لا مزيان ولله لا بقات فيك لا انت ولا هيا دابا ديك لمونيكة غادي تغلبني زعما ولله لا خليتو ليك غير بلاتي عليا غادي نوريك رباب اش كتسوي و لمغربيات علاش قادين
جيهان: صافي ارباب عفاك تهدني
انا: عندك نمرة هشام
جيهان: نمرت هشام علاش كتسولي عليها
انا: واش عندك إييه لا
جيهان: اه عندي
انا: عطيني تيليفونك نهضر معاه
جيهان: الي ساق فهد لخبار غادي يتقلق ارباب ماتهوريش
انا: يتقلق ولا انتاحر ماشي سوقي
عطاتني تيليفون و هضرت مع هشام
انا: الو هشام لاباس
هشام : شكون معايا
انا: انا رباب دغيا نسيتي صوتي
هشام: اناري ارباب فينك اش هاد لغيبة خلعتيني عليك
انا: شوف انا فنيويورك ومحتاجاك ضروري
هشام : نيويورك اش كاديري تما
انا: هاديك قصة طويلة من بعد نعاودها ليك
هشام ؛ انا غادي نشد اول طيارة لميريكان و نجي عندك
انا: اوكي وقتما وصلتي تاصل بيا فهاد نمرة ديال جيهان
هشام: تبارك لله حتي جيهان معاك تم مهم انا غير نوصل نتاصل بيكم بسلامة
انا: بسلامة طيط طيط
جيهان : رباب علاش ناوية عاوتاني
انا: ياكما هضرت معاك جوج كلمات غادي تخلطي ليا مع دم دخلي سوق راسك شوية
جيهان: سمحي ليا انا غير خايفة عليك
انا: ههههههههه اشنو عاوديها انتي خايفة عليا ولله الي تعجبت فيك انتي بحالك محال كيعرفو يخافو علي بنادم باركة تخافي غير علي راسك
جيهان:(ودموع فعينيها) رباب انا عارفة ديك لهضرة لي قلت ليك وداكشي لي درت فيك خايب بزاف و بلي جرحت المشاعر ديالك و محتارمتش صادقة لي كانت بيناتنا داكشي لي درتيه عليا ماديروش ختي انتي ضحيتي علي قبلي انتي كنتي احن اخت و افضل صديقة والكن ماعرفت قيمتك حتي فات لفوت ضميري كان كيأنبني من جيهتك ولله الي ندمت بزاف ماعرفتش اشنو ندير باش تسمحي ليا عارفة بلي حتي حاجة ماغادي تشفع ليا عندك
انا: وملي عارفة هادشي لاش جاية طلبي مني سماحة
جيهان : انا عارفة غلط فحقك ولكن لحقد كان عامي عينيا دابا لحاجة لوحيدة لي بغيت هي تسامحيني و نرجعو كيف كنا
انا: هههههههههههه
انا:هههههههه ماعمر لي تكسر ماكيتصلح اجيهان (هزيت كاس ضربتو مع الارض حتي تهرس) ملي هاد لكاس يتجمع و يرجع كيما كان من قبل نقدر حتي انا نسمح ليك و نرجو كيما كنا فاللول
خليتها و طلعت لبيت سديت عليا و عطيتها لبكا ماعرفتش بالضبط علاش كنبكي تخلطو عليا ماعرفتش واش كنبكي علي زهري لعوج و لا علي لإنسان لي كنبغي و طلع كيخوني و لا علي جيهان ولا علي راسي و ولا علي هاد دنيا لي ديما معكسة معايا ياله كنقول فرحت حتي كضلمها فعيني بقيت كنبكي حتي داني نعاس ماعرفتش شحال ديال لوقت نعست ملي فقت نزلت كنقلب فدار واش جا فهد دزت من حدا لبيت ديال جيهان و سمعت لبكا ترددت قبل ماندخل من بعد حليت لباب و بانت ليا كاتبكي بقيت كانشوف فيها شحال حتي جات طاحت علي رجلي كطلب سماحة وكاتبكي بحرقة
جيهان: عفاك ارباب لله يخليك سمحي ليا ولله الي ندمت بزااف طلبي اي حاجة نديرها تكفر علي الاغلاط ديالي غير سمحي ليا ارباب عفاك الي ماسمحتيش ليا ولله حتي ندير شي حاجة فراسي
صارحة بقات فيا بنادم كيغلط و الي كان لله سبحانه وتعالي كيسامح شكون انا لي مانسامحش ولي غلب يعف المسامح كريم وانا من طبعي متسامحة تحدرت عندها و عنقتها وبديت كنبكي معاها
انا: صافي اجيهان بلا ماتبكي الانسان كيغلط وانتي غلطي وندمتي لله يسامح انتي صاحبتي و ختي واخا نتقلق منك مانقدرش نحقد عليك
جيهان غير كتبكي ماقدرات تنطق بحتي كلمة
انا: صافي اصاحبتي لاش كتبكي دابا
جيهان: واخا ندير لي درت ماعمرني نقدر نرد ليك لجميل ديالك انتي كنتي كتنقدي حياتي و انا كنت كندمر ليك حياتك ماعرفتش اشمن نوع ديال البشار كنت شيطان سيطر عليا وعلي افكاري خلاني نحقد علي اقرب الناس ليا كانتفكر داكشي لي كنت كاندير فيك كانتمني لموت
انا: صافي اجيهان نساي لي فات ونبداو صفحة جديدة وكنتمني ماتخيبيش ضني فيك بحال خوك
جيهان: انشاء لله غنتبدل و غانكون متال الصديقة المخلصة وضنك مايخيبش فيا
انا: لا ماتبدليش بقاي جيهان لي كنعرف غير مايكونش بيناتنا لا غش لا حقد ولا كدوب
جيهان : انشاء لله
بقينا كنهضرو مشينا قادينا ماناكلو وحني كنضحكو واخا بالي كولو مع فهد حتي كيصوني تيليفون ديال جيهان
جيهان : هادا هشام واش تجاوبيه
انا: الو هشام ياك لباس
هشام : لا بغيت غير نقول ليك بلي مانقدرش نجي هاد اليامات تفكرت شي خدمة مهمة عندي ولكن كنواعدك غير نساليها و نجي عندك من نهنا لاتنين نكون تما
انا: صافي ماشي موشكيل غير ماتفوتش الاتنين
هشام: لا لا مانفوتوش غير كوني هانية بسلامة و سلمي علي جيهان بزاف
انا: اوكي مبلغ بسلامة طيط طيط
جيهان : مالو
انا : والو عندو شي خدمة ماغادي يجي حتال الاتنين وراه سلم عليك
جيهان: ماعرفتش علاش اصلان انتي عيطي عليه يجي
انا: هههه باش نشوفوه ولا زعما انتي ماتوحشتيش حبيب لقلب
جيهان: رباب لله يهديك باركة من لهضرة لخاوية
انا: عههه ياك هضرتي خاوية اوي شوفي غير حناكك كيولاو حمرين ملي سمعتي سميتو باقي كاتبغيه العفريتة
جيهان: صافي ارباب خليني عليك
انا: اوي واخا تنكري راه عينيك فضحوك باينة توحشتيه كتر من لقياس
جيهان: والي توحشتو اش غادي نستافد هادشي ماغادي يغير والو
انا: انتي غير قولي داكشي لي كتحسي بيه من جيهتو وانا نجمعك معاه
جيهان : حلفي زعما تقدري واصلان هو كيبغيك انتي
انا: انتي غير خلي كولشي عليا واش عمري واعدتك بشي حاجة وماوفيتش بيها
جيهان: لا
انا: اوي تيقي فيا انا غادي نجمعك مع حبيبك غير تهناي واخا يكون كايبغيني ملي غادي يعرفني تزوجت و حاملة راه غادي يحيدني من بالو
جيهان : شكرا احبيبة انتي احسن صديقة ولله ماكين بحالك فهاد دنيا ارباب
انا: بلا ماتشكريني هادا واجب صاحبتي خاصها تكون مع حبيبها و انا غادي نعاونها
جيهان: رباب انتي قلتي ليا قبيلة ماخاصش يكون بيناتنا الغش و لحقد و لكدوب داكشي علاش انا بغيت نقول ليك واحد سر
انا: قولي لله يسمعنا خير
جيهان: شوفي هاد لهضرة لي غادي نقول ليك ماشي ساهلة بغيتك تقصحي قلبك و تهدني ماتنفاعليش وماتعصبيش
انا: غير طلقيني اجيهان راك دابا نيت كتعصبيني
جيهان : ماعرفت منين نبدا ولله الي مترددة 
انا : عفاك اجيهان بداي منين ما بغيتي غير طلقيني وهضري
جيهان : فالوقت فاش مشيتي مع جاك فهد صحاب ليه واش غدرتيه و غاتبقاي مع جاك ديما كانت حالتو تشفي لعدو ديما سكران مكيسحاش حقد عليك بزاف فداك لوقت نيكول ستغلات لفرصة و ضعف ديال فهد وتقربات منو و حيت عرفاتو ماشي فالوعي ديالو استغلات دوك المواقف وحتي هو كان كيحاول ينساك وغلط معاها و ملي ماقدرش ينساك طلب منها تبعد من طريقو و هي قالت ليه يبقاو اصدقاء و قبل مهم انتي رجعتي لفهد ورجع لحالتو طبيعية و كلشي تقاد و لكن هاد ليامات رجعات نيكول كتقرب من فهد و تصيفت ليه ميساجات باش تلاقي معاها و قالت ليه بلي هي حاملة منو و بغاتو يلقي حل لهاد لمشكيلة

(انا ماقلت حتي كلمة صدمة كانت قوية ولا كيبان ليا غير ضباب ودوخة شاداني )
جيهان: انا طلبت منها تحيد داكشي لي فكرشها ولكن هيا مابغاتش
انا: الي هو و هي رتاكبو غلط اشنو دنب داك لولد مسكين

(خليتها كتهضر و تميت غادا بغيت نطلع لبيت ولكن جاتني دوخة ماحسيت براسي حتي سخفت جات جيهان كتجري)
جيهان: رباب جيهان فيقي لله يخليك ماديريش فراسك هاد لحالة اش داني نقول ليك هادشي لله ياربي اش غاندير
مشات جيهان عيطات لوائل ومريم
جيهان: الو وائل عافاك اجي لدار و جيب معاك مريم و شي طبيب رباب سخفات ماعرفت ماندير اجي دابا لله يخليك ماتعطلش راه عيت مانصوني علي فهد بلا فايدة ماكيجاوبش وحتي امين حتي هو
وائل: اوكي غير تهدني انا غانجي دابا
قطع من بعد 15دقيقة جا وائل و مريم و طبيب عطاني واحد المهدئ و طمنهم عليا و مشا
مريم : جيهان علاش رباب سخفات يكما درتي ليها شي حاجة عاوتاني
جيهان: لا ولله مادرت ليها شي حاجة
مريم : ايه ومالها اش وقع ليها
عاودات ليهم جيهان علي داكشي لي قالت ليا
وائل: هادشي علاش سخفات والي قلت ليها علي المشكلة لكبيرة لي واقعة غادي يسكت لقلب واقيلة
جيهان: ياك لباس اش واقع اوائل
وائل: لا والو والو من بعد و نقول ليكم اش كاين مهم انا غادي نمشي عندي مايدار ها مريم غادي تبقي معاك الي وقعات شي حاجة تاصلو بيا و ردو لبال لرباب
مريم: اوكي حياتي كون هاني
جيهان : انشاء لله يكون خير
ملي فقت فصباح لقيت راسي فبيتي وقفت واخا ماقديت مشيت لدوش غسلت و جهي وسناني و هبط لتحت لقيت مريم و جيهان جالسين وجلست حداهم
مريم: حبيبة كيف بقيتي خلعتينا عليك
انا: حمد لله ماعرفتش اش وقع ليا 
جيهان: كنتي طالعة لبيتك و سخفتي ناري طيرتتها مني خلعة اصاحبتي
انا: واش فهد ماجاش حتي ليوم
جيهان : لا مازال ماجا
انا: انا مامرتاحاش لهاد لغيبة اجيهان
مريم : غير تهدني ارباب واقيلة غاتكون عندو غير شي خدمة هي لي معطلاه
انا: مريم واش كتفلاي عليا ياك انتي خدامة معاه و حتي وائل خدام معاه علاش هو لي غبر واش بوحدو لي خدام
جيهان: لا حتي امين لبارح كانصوني ليه ماكيجاوبش تيليفونو طافي
مريم : اوي شفتي حتي امين معاه غايكونو فشي مهمة
انا: لا لا مهمة و مايقولهاش ليا حتي بسلامة ماقلهاش انا هادشي مادخلش لراسي شي حاجة تما بغيت غير نعرف فين كاين غير نطمأن و نرتاح ماهمنيش معامن كاين مهم هو نعرفو بخير
مريم : غايكون بخير نشاءلله
جيهان: حتي انا خاطري مامهنيش
مريم: جيهان لله يهديك واش حتي انتي تفألو بلخير دوزنا النهار كولو مع بعضيتنا مرة نضحكو مرة نبكي و يسكتوني بالي كولو مع فهد و خاطري مامهنيش اكيد كاينة شي حاجة تما وصل ليل تعشينا شربت دواء و مشينا نعسو مريم نعسات حدايا و جيهان نعسات فبيتها
بقيت مجمعة انا و ياها شوية حتي داني نعاس ليل كولو و انا كنحلم احلام خايبة لله يستر نفيق و نعس حتي مريم مسكينة سهرتها معايا مانعساتش فخاطرها كاتقرا عليا لقرءان عاد كتهدن
مريم : بسم لله عليك ارباب
انا: عادل واقعة ليه شي حاجة امريم ياك
مريم ؛ لله يهديك راه ماوقع ليه والو غير شيطان لي دار ليك هاد وسواس فراسك
انا: لا امريم انا حاسة بلي كاينة شي حاجة عافاك امريم الي كنتي عارفة شي حاجة قوليها
مريم: ولله ماعرفت شي حاجة ارباب واش انا غادي نخبي عليك دابا غير تهدني و نعسي و صباح نشاءلله غادي يكون هنا
رجعت تكيت حاولت نعس والكن بلا فايدة مابغاش يجيني كاع الافكار لخايبة كادوز فراسي حتي صبح صباح عاد داني نعاس مادرباتني الفيقة حتي 4 ديال لعشية فقت دوشت لبست حوايجي و نزلت لتحت لقيت لبنات مجمعين
جيهان: واش نقولو ليك صباح لخير ولا مساء لخير
مريم : كيف بقيتي ارباب
انا: واش فهد حتال دابا مازال ماجا
مريم : صافي ارباب ملي غادي يسالي راه غادي يجي
انا: واش 3 ايام هادي ماجا ماسول حتي فتيليفون لله يهديك امريم هادشي راه بزاف
جيهان: صافي ارباب غير تهدني بلا ماتعصبي عاوتاني
انا :مريم عيطي لوائل دابا
مريم : علاش اش بغيتيه
انا: (بغضب)دابا غادي تعيطي ليه ولا انا لي غادي نخرج نمشي عندو
جيهان: لله يهديك ارباب مالكي دايرة هاد لحالة
انا: ماشي شغلك واش دابا غادي تعيطو لوائل ولا لا
مريم :صافي انا غادي نعيط ليه غير تهدني راك حاملة مامزيانش تعصبي
انا: يلاه عيطي ليه عاد نتهدن
عيطات ليه بقينا كنتسناوه ساعة عاد جا عندنا مع دخل تلقيت ليه فالباب و شنقت عليه ركبوني جنوني عاوتاني
ملي فقت اول حاجة سولت عليها هو وائل
انا: وائل عفاك ديني نشوف فهد دابا لله يخليك
وائل : ماعندي فين نديك دابا ارباب لليل هادا و طبيب قال ماخصكيش توتري بزاف حتال غدا فالصباح انشاء لله و نديك تشوفيه 
انا:ولله ماقدرة نصبر مازال حتال غدا علاش ماقلتيهاش ليا شحال هدا اوائل ماشي حرام عليك
وائل: راه فهد لي قال ليا مانقول ليك والو حتي يبرا شوية
انا: ودابا هو صحتو لاباس ياك
وائل: اه لاباس عليه صحتو بخير بلا ماتخافي دابا غادي نجيب ليك تعشاي و شربي دواك و نعسي غدا فالصباح نمشيو لصبيطار عند فهد نشوفوه
انا: لا لا مافياش جوع غير خليني
وائل لا لا خاصكي تاكلي باش تشربي دواك راه الي ساق فهد لخبار غادي يتقلق
جاب ليا لعشا واخا مافيا لي ياكل بززت عليا شوية و شربت دواء و تكيت مكرهتش يوصل غدا دغيا بطا عليا غير امتي نشوفو توحشتو وخايفة عليه واخيرا ستسلمت لنعاس ضرباتني لفيقة صباح بكري دوشت قاديت شعري لبست سروال دجين و بودي بيض دجيكيت كحلة و سبرديلة فيها لكحل و البيض مهم قاديت راسي و مشيت كانقلب علي مريم و جيهان كانو مازال ناعسين فيقتهوم بزز و لبسو حوايجهوم و عيطنا لوائل جا لينا بطوموبيل و مشينا دغيا لسبيطار دخلنا لقينا فهد باقي ناعس دخلت عندو بوحدي جريت كرسي وجلست حداه كنلعب فشعرو حتي فاق حل عينيه
انا: حبيبي حمدلله علي سلامتك خلعتيني عليك
فهد: لله يسلمك احياتي
انا: ياك انت بعدا لاباس ماعندكش شي حاجة خطيرة
فهد: لا لا هاني كنهضر معاك ماعندي والو حمد لله شكون قال ليك انا هنا داك وائل ياك
انا: هو ماكنش بغا يقول ليا كون مأصريتش عليه كنت غنضربو كون ماقالش ليا انا كنت عارفاه عرفك فين كاين و مخبي عليا
فهد: ماكنتش بغيتو يقول ليك اش كاين حتي نبرا شوية
انا: واخا ماعرفتش ولكن حسيت بيك واقعة ليك شي حاجة خاطري ماكانتش مهنياني خفت عليك بزاف
فهد: صافي احبيبة ماواقع ليا والو هاني حداك دابا ماتخافيش
من بعد دخلو كاملين و جا امين و شي دراري خرين صحاب فهد بقينا كنضحكو حتي سمعت شي واحد قال لاتنين وانا نتفكر هشام مشيت حدا جيهان كنهضر انا وياها بينتنا
انا: جيهان ليوم الاتنين غادي يكون هشام جاي فطريق
جيهان: واش هو قال ليك بلي غايجي ليوم نيت بالضبط 
انا: اه واش ماصوناش عليك
جيهان: ولله ماعرفت اصلان تيليفون فالصاك ديالي و صاكي خليتو فالطوموبيل ديال وائل
انا: ويلي غيكون صونا و ماكين لي يجاوبو
جيهان : اوي صافي انتي اش بغيتيه يجي راه غتجي وراه غير الماشاكيل
انا:وانت غير دخلي سوق راسك و ماتقوليش لحتي واحد بلي عيط عليه وخصوصا فهد مابغيتوش يعرف
جيهان: لا صافي كوني هانية
فهد: ياك لاباس انتوما مالكوم كتوشوشو وكتهضرو غير بوحدكم ياكما دايرين شي مصيبة
جيهان : لا والو اخوية غير شي هضرة ديال لبنات
امين: انتوما لبنات لله يحضر فيكم سلامة (بقاو كيضحكو )
انا: جيهان شوفي انا غادي نرجع لباركينغ نمشي نجيب تيليفون من طوموبيل ديال وائل
جيهان: لا بلاش انا نمشي نجيبها ليك
انا: لا لا بلاش انا غنمشي نجيبو انا و وائل
مشيت عند وائل طلبت منو يمشي معايا لباركينغ نجيب تيليفون مشا معايا دخلت لطوموبيل
وائل: رباب تسنايني هنا ماحدي خرجت غادي نمشي نقدي واحد لغراض و نجي دغيا اوكي
انا: اوكي سير انا غادي نتسناك هنا
مشا وائل انا هزيت تيليفون خرجت من طوموبيل وقفت حداها و بغيت نتاصل بهشام مع هزيت راسي بانو ليا واحد 2 رجال هازين سلاح و خطفوني
خرجت من طوموبيل و قفت حداها بغيت نتاصل بهشام حتي وقفو عليا جوج رجال بسلاح وخطفوني تلاح ليا تيليفون واحد هزني وحطني فواحد طوموبيل ولسوء لحظ داك لباركينغ كان خاوي واخا نغوت مايسمعني حتي حد سدو ليا و فمي حتي وصلنا لواحد لبلاصة مهجورة واقيلة كانت محطة ديال قطار قديمة جلسوني فواحد لكرسي وربطوني معاه و ربطو ليا يدي بجوج لور دارو ليا باندة علي عيني بقيت مدة طويلة مربوطة وسكات كانحاول نهضر ولا نغوت والو واحد شوية سمعت خطوات رجالية قراب ليا شواحد حيد ليا داكشي باش مسدود فمي ولكن عيني مسدودين مقدرتش نشوف شكون
انا: شكون انت و اش بغيتي عندي
الرجل: ماشي انا لي بغيت من عندك صبري شوية و تعرفي كلشي
انا: طلقني خليني نمشي
(سكت من بعد هضرات واحد لمرة )
المرأة : غادي تمشي ولكن ماشي دابا ملي ناخد داكشي لي بغيت
انا: اش بغيتي من عندي طلقيني
المرأة : الي بغيتي نطلقك حتي دابا غادي تجاوبيني علي اسئلة ديالي و نخليك تمشي
انا: اشمن اسئلة واش كنعرفك
المرأة: وي كاتعرفيني مزيان احبيبة
انا: حلي ليا هادشي راه ضرني
المرأة: صبري غادي نفكك ولكن ماشي دابا( حلات ليا عيني )
انا :انتي اشنو باغية عندي اش بيني و بينك علاش جايباني لهنا
المرأة: بيني وبينك بزاف انا غاناخد حقي و نخليك تمشي
انا: اشمن حق عندك واشمن علاقة عندي انا بحقك
المرأة: شوفي انا دابا مازال ضريفة و مابغيتش نأديك نتي و ولدك كانتعامل معاك مزيان ماتندمينيش
انا: حتي انا مازال مهدنة واش صحاب ليك خلعتيني بهضرتك (كون كنا كانخافو من دجاج كاعما نريشوه )
المرأة: ههههههههههه واخا مافهمتكش اشنو قلتي باينة غتكون شي حاجة زوينة الي كنتي ماخيفاش علي راسك خافي غير علي حبيب لقلب كنت عارفاه بلي هو لي مخبيك شحال وانا كنقلب ماقدرتش نطيح عليك وانتي معاه داكشي باش قررت نبعدو عليك ونحيدو من طريقي حتي طاحت عليا فكرة نقتل حبيب لقلب ديالك و ديك ساعة اكيد غاتباني ولكن دوماج ماماتش عندو 7 ديال رواح
انا: ياك الحقيرة هي انتي لي كنتي بغيتي تقتليه ولله الكلبة و نوض ليك حتي نخلص فيك لقديم وجديد الي بينتنا شي حاجة اجي عندي انا ماشي تحاولي تقتلي راجلي مابينك وبينو والو
المرأة: انا ماهمنيش هو انا بغيتك انتي و بغيت نرجع حقي لي شحال من عام وانا كنتسناه و تجي انتي فدقيقة ضربي ليا كولشي فالزيرو
انا: واش طايحة علي راسك اشمن حق فلحقوق هدا كتهضري عليه انا ماعرفت والو وماعندي والو غير تهناي هزات يدها حتال لفوق و عطاتني واحد تصرفيقة حتي بانو ليا النجوم ولله كون فكاتني حتي نحفر ليها قبرها لكلبة لخرا
فالمستشفي
رجع وائل كيقلب علي رباب ملقهاش لباب ديال طوموبيل محلول و تيليفون مليوح بقا كيقلب مالقهاش وقال مع راسو غتكون رجعات عند فهد مشا كيجري دخل لشومبر فين ناعس فهد كلشي كاين الا هي كان خايف من ردت الفعل ديال فهد ولكن خلها علي لله و قال ليهم بلي ماعرفش فين هي رباب
وائل: واش مابانتش ليكم رباب
جيهان: ياك كانت معاك قبيلة
امين : ياك انت وياها لي مشيتو تجيبو تيليفون من طوموبيل
وائل: اه راه مشينا بجوج و خليتها فالطومبيل تسنا بيما قديت واحد لغراض 5 دقايق رجعت مالقيتهاش و الباب ديال طوموبيل مفتوح وتيليفونها مليوح فالارض ماعرفتهاش فين مشات قلبت عليها الباركينغ كولو مالقيتهاش
فهد: (مصدوم بغا ينوض ليه ولكن مقدرش )كيفاش ماعرفتيهاش فين مشات ياك انت معمن كنت انا ماشي شغلي تقلب عليها فالارض فسما الي ماشفتهاش حدايا ليوم ولله حتي ندفن مك حي هاني فين قلتها ليك
امين: فين غتكون مشات هاد لبنت ياك قلنا ليك ماتخليهاش بوحدها اكيد غاتكون تخطفات
مريم: تخطفات لا مايمكنش شكون غيخطفها
امين: كولشي ممكن امريم حنا مامتأكدينش بلي شدينا كلشي
مريم: لله يحضر سلامة تقول مقابلينها غير امتي تخرج
امين: انا متأكد بلي داك لي كان كايهدها فاش كانت فلوطيل هو لي خطفها حيت لدابا باقين ماعرفناش شكون هو
مريم : اكيد من داك لوقت كانو كيقلبو عليها
امين: اه وملي ساقو لخبار بلي فهد دار كسيدة بقاو مراقبين المستشفي حيت كانو عارفينها غادي تجي تشوفو
فهد: وماشي بعيد هوما لي كانو مدبرين ليا هاد لكسيدة باش يطيحو عليها
امين: سوؤال لواحيد لي محيرني اش غيكونو بغاو عندها
فهد: هداك سوؤال هو لي غيمرضني ناري و يمشيو حتي يأديوها ولا يديرو ليها شي حاجة
وائل: 5 دقايق لي غبرت وقع هادشي كامل
فهد:(بغضب) ناري اوائل حمد لله ماقدرتش نوض اما كون قتلتك ولله ديما تبعينك لمشاكيل انت لي جبتيها لهنا من للول مازال مدوزتهاش ليك حيت قلتي ليها درت كسيدة و هانتي دابا شوف اش درتي ديما مزبلها داكشي لي كانقول ليك ماديرش هو لي كادير
جيهان: ياكما تكون واقعة ليها شي حاجة انا خايفة عليها
فهد؛ امين بلغ كاع لقوات يقلبو عليها فينما كانت يجيبوها ولله وتوقع ليها شي حاجة مانعقل علي شي حد فيكم
امين: اوكي شاف انا غاندير جهدي كولو باش نلقاها
فهد: دي معاك حتي هادا مانشوفش وجهكم الي ماكنتش معاك
عند العصابة
المرأة: دابا ماغاديش تقولي ليا فينهما لوراق
انا: قربي عندي نقول ليك فين هوما 
(مع قربات حدايا و انا ندفل عليها فوجها شداتني من شعري بقوة )
المرأة: حمارة انتي ماتنفعش معاك الضرفات الي ماقلتيش ليا من دابا ل5دقايق فين هوما لوراق غادي نبدل طريقة تاعمل ديالي معاك كنصحك ماتبقايش مقصحة راسك معايا حيت غادي نوريك لوجه التاني
انا: صافي دابا طلقي مني امارغريت وقولي اشمن وراق لي بغيتي راه مازال لدابا مافهمتش اش بغيتي
مارغريت: ممم اوي دابا عجبتيني ملي كاتسمعي لهضرة انا بغيت لوراق ديال لممتلكات لي كتب ليك جاك واش شحال من عام انا خدامة معاه وتجي انتي ف5دقايق تدي كولشي و انا نطلع بوالو كاع ديك تمارة لي ضربت تمشي ليا مع ريح لا
انا: اشمن املاك كتهضري عليهم انا ماعندي والو
مارغريت: واش كاتفلاي عليا صحاب ليك واش غادي تاخدي كولشي لراسك وتفلتي بالفعلة لي درتي مع ميسيو جاك خديتي ليه الاملاك ديالو و دخلتيه لحبس
انا؛ اش غندير بالاملاك ديالو انا ماعندي ماندير بشي املاك و شي فلوس و حتي الي كنت بغيتهم راه فهد عندو عرام منهم ولي بغيتها ديالي ماغاديش نحتاج فلوس ميسوك جاك غير تهناي و خليني نمشي راه بديت كنتعصب
مارغريت: (بغضب) انا صبري تقادا معاك انتي ماكتفهميش بالهضرة (ضرباتني ببونية لفمي حتي خرج منو دم بقيت ساكتة شحال )
انا: صافي بلا ماضربي انا غانديك لبلاصة فين مخبيا لوراق ولكن واعديني تبعدي من طريقي انا و فهد
مارغريت :(ابتسامة شريرة) ههه هاكا نبغيك اصلان انا الي خديت داكشي لي بغيت مابقا عندي ماندير بيك
انا: اوكي دابا فكيني و ياله نمشيو قبل مانبدل الرائ ديالي
مارغريت : اوكي و بلا مايقول ليك راسك تخدعني ولا تفلاي عليا حيت ماغاديش نحن فيك ديك ساعة
انا: ماشي من مصلاحتي نخدعك غير ياله بلا مانضيعو لوقت
مشينا انا وياها و دوك جوج رجال ركبنا فالطوموبيل هوما فالقدام و انا وياها فللور بقيت كاندور بيهم حتي وصلنا لواحد لحي
انا: صافي وقف غير هنا لوراق لي بغيتي كاينين فالديك دار عند واحد صاحبتي
مارغريت: الي كنتي كتفلاي عليا راه ماغاديش يعجبك لحال ( مشات هي واحد من دوك رجال وخلاتني انا مع واحد شادني حدا طوموبيل دقات فدار انا غير شفتها بعدات و انا نضرب داك لي كان شادني لمنطقة لحساسة حتي طاح و بقيت كنركل فيه هزيت ليه سلاح وضربتو بيه و عطيتها لجرا جاب لله كنت لابسة سبرديلة هوما غير سمعو رصاص و دارو بنت ليهم هاربة و هوما يتبعوني انا نجري و نقول ماجريت كاندور مع لاحياء جاوني كايتشابهو حتي انا مالقيت فين نجيبهوم غير هنا كملت علي جرا ديالي حسيت بالسخفة ولكن ماشي وقتها هادا فالخر لحقات عليا جراتني من دجيكيت و خليتها ليها درت عندها ضربتها بواحد الراس و تلاحيت عليها بضريب حتي جا داك الراجل لي كان معاها بغا يضربني و غمضت عيني كنتسنا ضربة ماجاتش ملي حليت عيني بان ليا مدابز هو واحد الراجل عظامة بحال فهد حتي هو شهب بقيت سارحة فيه حتي ضرباتني ديك لمونيكة ديال مارغريت بشي حاجة لوجهي جاتني ضربة حدا حجباني ملي قصت وجهي بان ليا دم ماشعرتش براسي بقيت عليها بضرب كاع داكشي لي تعلمت فديك 4 سنين جربتو فيها بردت فيها سمي كلو حتي كنت غنقتلها كون ماداك شهب لي فكنا دار ليهم المينوط بجوج و داهم لطوموبيلتو عيط لبوليس داو هادوك ولاسعاف دات هداك لي ضربت ماعرفت واش قتلتو ولا اش بقيت كانشوف فيه ياله جاي بغا يهضر معايا حتي سخفت هزني لطوموبيلتو وداني لدارو من بعد ساعتين فقت حليت عيني لقيتو كايشوف فيا وشاد فيدي خطفتها منو بزربا قصت لبلاصة فين ضرباتني مارغريت لقيتو داواها ودار ليها لفصمة
انا: فين انا شكون جابني هنا
الرجل: غير تهدني نتي فأمان ماتخافيش انا ماغاديش نأديك انتي فداري ملي تصحي شوية ناخدك لدارك
انا: اش كاندير هنا
الرجل: ملي سخفتي قلبت علي الهوية ديالك ولا شي حاجة باش غنعرف شكون انتي و العنوان ديالك مالقيتش داكشي علاش جبتك لهنا حتي تفيقي
انا :شكرا واخا تجيب ليا نشرب
مشا جاب ليا نشرب و جلس حدايا ومد ليا يديه
الرجل :انا سميتي جون وانتي
انا: رباب
جون : سميتك غريبة شوية
انا؛ اه حيت انا مغربية
جون: اه مزيان اش بغاو عندك هادوك
انا: ماعرفتش هوما خطفوني علي قبل شي وراق بغاتهم هاديك شكرا بعدا حيت عتقتيني ماعرفتش منين طحتي عليا
جون: لعفو هادي خدمتي انا كنت بغيت نزور واحد صاحبي فالمستشفي كنت كنبلاصي طوموبيل و بنتي ليا واقفة حدا طوموبيلتك بقيت كانشوف فيك حتي بانو ليا خطفوك وتبعتهم بلا مايحسو باش نعتقك
انا: اه مغسي واش انت خدام فالشرطة 
جون : وي انا خدام فالمخابرات وانتي خدامة فالشرطة ولا مع عصابة
انا: علاش زعما
جون: حيت شفتك ملي كضربي فهداك لي كان شادك وملي ضربتيه بالرصاص قلت يإما تكوني مع عصابة ولا مع الشرطة اه بعدا منين جاك سلاح
انا: نو نو مامعا عصابة مامعا شرطة غير كنت كنتدرب علي فنون لقتال غير علي بحال هاد لمواقف
جون:اه مزيان ماقلتيش ليا منين جاك سلاح انا: هاداك سلاح ديالو هو باش ضربتو هادوك راه رجال ديال واحد رئيس عصابة واش قتلتو ولا اش خايفة غير يكون مات ونولي داخلة لحبس جون: والي مات انتي كنتي كدافعي علي راسك ماغاديش دخلي لحبس انا: زعما جون: ههه وي اصلان هاد زين كامل حرام يدخل لحبس انا: (حشمت) اه مابقيتيش زرتي صاحبك مسكين واش خدام معاك جون: اه هو خدام معايا وصاحبي وانتي اش كنتي كاديري تما انا:ههه حتي انا جيت نشوف صاحبك لي دار كسيدة جون: وفين كاتعرفي صاحبي انتي انا: ياك صاحبك سميتو فهد جون: اه واش كتعرفيه انا: وي كانعرفو جون: انا كنعرف لبنات لي كايكونو معاه كاملين ولكن انتي ماعمرني شفتك معاه انا: اه ياله تعرفت عليه غير هاد شهر ماعمرني ماشفتك معاه جون: هكاك حيت انا شحال هادا ماشفتو كانت عندي واحد المهمة خارج لبلاد شي3 شهور هادي غير لبارح جيت منها وسقت لخبار بلي دار كسيدة و جيت نشوفو انا: اه مزيان حتي انا غير لبارح لي سقت لخبار وجيت ليوم نشوفو ساع جاو هادوك لكلاب خطفوني جون: مزيان ملي كتعرفيه بعدا غادي ضمني راسك مادخليش لحبس غادي يعاونك انا: اه ممكن نطلبك واخا غادي نعدبك معايا جون : لا هانية غير طلبي انا: واخا نمشيو نشوفوه دابا جون: اوكي الي كنتي لاباس نمشيو انا: انا اوكي ميغسي جون : والكن هو للول دوزي لدارك حتي تبدلي حوايجك ماتمشيش بهادو عامرين بالدم انا: اوكي (عطيتو لعنوان ديال دار فين كاينة ناتاشا مشينا دقينا عليها كانت ناعسة غير شافتني و هي تخلع نتاشا: رباب مالكي ياك لاباس اش وقع ليك وشكون هاد راجل عاوتاني انا: لا والو غير شي وحدين خطفوني وهاد راجل عتقني منهم هدا جون جون كنقدم ليك نتاشا صاحبتي نتاشا: مشرفين اشنو تشرب جون: شرف ليا مبغيت نشرب والو بلا مانعدبك اصلان زربانين دابا مرة خرا نتاشا: اوكي خود راحتك مشيت انا ونتاشا لبيت انا: عطيني شي لبسة نلبسها هادي راه توسخات نتاشا: شكون هاد لبوقوص كاطيحي عليهم غير هوما العفريتة خلي لينا شي واحد انا: هاهو خوديه انا باركة عليا غير فهد ديالي عطاتني كسوة و صندالتها لبستهوم ولبسات حتي هي حوايجها باش تمشي معانا تشوف فهد هبطنا لطوموبيل ديال جون ركبت انا فللور و ركبات هي حداه فالقدام طريق كولها و هما كيسولو فبعضيتهم ملي وصلنا لمستشفي طلعنا لشومبر فين كاين فهد لقيناه بوحدو غير شافني بغا يطير بالفرحة حتي انا مشيت كنجري عندو عنقتو واخا مضروب ملي عنقني رجع شدني من شعري حتي قصحني جون مسكين غير حال فمو مافهم والو حيت كنهضرو بالعربية فهد: حبيبة فين مشيتي خلعتيني عليك شكون ضربك فوجهك واش كاديري مع هادا حتي هو كتعرفيه انا: اي اي اي صافي احياتي انا حداك غير مارغريت وشي رجال خطفوني ولكن حمدلله صاحبك جون عتقني منهم بعدا غير طلق لي من شعري فهد: جون علي سلامتك وشكرا حيت عاونتي راباب جون: هدا واجب اشاف انا درت غير خدمتي شفتها فخطار و
عاونتها واخا هي عتمدات علي راسها بزاف انا ماجيت حتال اخر لحظة ماعرفتها كاع واش كتعرفك انا: فهد واقيلة قتلت شي واحد فيهم ضربتو برصاص ماعرفتو واش حي ولا ميت نتاشا: يموت انتي دافعتي علي راسك فهد: لهلا يردو واش انتي بعدا لاباس ماوقعات ليك حتي شي حاجة ولدي لاباس عليه انا: لا لاباس ماوقع لولدك والو جون : ولدك علاه انت عندك لولاد فهد: اه مراتي رباب حاملة جون: (تصدم حل فمو )رباب مراتك علاه انت تزوجتي بعدا صيفتيني انا لتمارة 3شهور وانا فالغربة و انت ضربتيها بتزويجة تسناني اصاحبي ديك ساعة غير حتي نجي نفرح معاك وانتي الالة رباب قلتي ليا غير كتعرفيه ماشي مزوجة بيه نتاشا: بلا مايبقا فيك لحال انت بعدا كنتي بعيد اش نقول انا لي حداهم وماسقتش لخبار خايغين نحسدوهوم ههه فهد: ههههه حنا مازال مادرنا لعرس ملي غنديروه راه كلكم غادي تكونو فيه بلا ماتسبقو الاحدات جون: انا بعدا تصدمت داكشي علاش مابغيتيش تزوج هاد سينين كلها صبرتي و طحتي علي هاد زين كامل ههه فهد: جمع راسك اسي واش انت كتغزل فمراتي قدامي جون : ههههه انت مالك مغيار هادشي غير هضرنا و ندمتينا انا: ماتديش عليه راه شوية لاباس مابقا ليه والو ويحماق (جرني عاوتاني من شعري ) فهد: ياك البعلوكة انا حمق دابا عارفتيني مانقدرش نوض ليك دابا قولي لي بغيتي من بعد لجد بوك غادي تخلصي كولشي هاني كنقيد ليك فيهم انا: اي افهد ولله الي ضريتيني صافي غير تهدن واخا تكون حمق كنبغيك وكنموت عليك وحتي انا كنحماق عليك فهد: سيري تلعبي دابا بغيتي تبتيني بدوك جوج كلمات انا: (قلبتها من ضحك لمعيار) دابا ماحدي كنضحك معاك بلخاطر كتبوزق عليا بلا متعصبني عاوتاني غانجبد ليك لقديم وجديد و ندمك عاوتاني راه ساكتة غير حيت مريض ومابغيتش نزيد عليك فهد:(ميت بالضحك) ههه ولله الي قتلتيني بالضحك احبيبة عندك هضرة بحال سيوف اي اي ماكتعارفيش ضحكي انا: اوي جمع راسك انا اصلان ماكيعجبنيش نضحك معاك انت كون كان وائل كون متنا بالضحك انا وياه فهد: ياك اوي بلاتي نعيط ليه باش يونسك ويضحك معاك كيما بغيتي
فهد: اوي بلاتي نعيط ليك لوائل باش توانسو وضحكو بجوج ونوضي من حدايا انا خليني عليك
انا: ناري شحال كتكون غزال ملي كتقلق داكشي علاش كيعجبني نعصبك
فهد: اوي داكشي لاش كنعرف حتي انا غير نتعصب غير كنبغي نضحك معاك ساعة انتي ماشي وجه ضحك 
انا: اه وشكون هي لي وجه ضحك اه نسيت واقيلة لالة نيكون هي لي كتعرف ضحك معاك وضحك معاها
فهد: رباب لله يخليك ماتبدايش عاوتاني مافيا لي يسمع هضرتك بدلي لموضوع
انا: اه ماشي وجه ضحك و هضرتي مافيك لي يسمعها اييه انا لي حمارة لي جاية عندك كاعما تستاهل علي فعايلك زنين
تميت خارجة وهو كيعيط ماديتهاش فيه مع بغيت نحل لباب دخل وائل و امين غير شافني وائل مع لفرحة نسا راسو و عنقني
امين: رباب فين مشيتي خلعتيني عليك
وائل: مالكي شكون دار فيك هاد لحالة
عاودت ليهم اش وقع وبقيت انا وائل كنضحكو فهد ماديتهاش فيه مرة مرة كنشوف فيه كايبان ليا كيخنزر فيا مسكين بقا فيا حبيبي مريض و انا كنعصب فيه شحال انا شريرة
نتاشا: مهم انا غادي نمشي علا سلامتك افهد
فهد:مغسي ختي نتاشا
جون : حتي انا غانمشي بسلامة افهد حتي نرجع عندك
فهد: اوكي شكرا بسلامة (مشاو بجوج وحتي امين و وائل مشاو بقيت انا و فهد فشومبر
فهد: كيعجبك تعصبيني
انا:علاش
فهد: ماعرفتش علاش كتقلبي ارباب واش بصح نيت كتبغيني ولا غير كدوزي وقتك معايا ولله الي شي بعد لمرات كتجيني تصرفات ديالك بحال الي ماكتحملينيش
انا: ههههههه مكنحملكش ضحكتيني افهد ولله واش حماقيتي ولا اش
فهد: هادشي لي كاديري فيه هو لي غادي يحمقني ارباب ماعرفتش غير كنهضر معاك كانقول ليك شي حاجة كاتندميني الي كنتي مع شي حد اخر كاضحكي حتي كتبان ليك ضرست لعقل علاش هادشي كامل واش كيعجبك تشوفيني كنتعدب
صارحة هضرتو اثرات فيا بقا فيا كاع هادشي لي قال عندو فيه لحق علي اقل حاجة كندابز معاه و كنحرق ليه دمو وكنعصبو لله يسمح ليا حدرت راسي و بديت كنبكي هز ليا راسي كيمسح فدموعي
فهد: صافي ارباب عفاك بلا ماتبكي سمحي ليا احياتي ولله ماقصدت نبكيك
انا: بلا ماطلب مني سماحة افهد حيت ماشي انت لي بكيتيني صارحة انا زدت فيه بهاد تصارفات لي كندير ولكن كنواعدك ماعمرني ندير شي حاجة لي تعصبك وتقلقك
فهد: انا خليك غير ديما معايا نبقي نشوف ديك ضحيكة لي كتهبلني وغانكون مزيان
انا: ههه ربي يخليك ليا احياتي
عنقني وبقينا ساكتين شحال حتي كسرت هاد صمت
انا: فهد واش بصح غادي نديرو لعرس
فهد:هههه كنت واعدتك غادي نديروه ولكن لي بغيتي انتي
انا: صارحة ماكرهتش نديروه ولكن قبل ماتولي عندي لكرش
فهد: هههه اوكي غير نخرج من صبيطار وندير لحبيبتي حفل زفاف ماعمر شي حد دار بحالو والكن ماشي مغريبي انا: هههههه ماشي موشكيل لي عجبك ديرو مهم هو نكونو بجوج
فهد: اوكي حياتي انا غادي نعس واحد شوية كنحس براسي عييت
انا: اوكي رتاح ليك شوية (نعس هو وانا بقيت جالسة حتي دخلات جيهان و مريم سلمو عليا و عاودت ليهم اش جرا ليا وبقينا كنهضرو شحال
مريم: اجي بعدا اش درتي مع هشام واش جا ولا مازال
انا: ماعرفتش راه مابقيتش هضرت معاه
جيهان : راه هضر معايا و قالي بلي جا و كاين فالوطيل ملي يرتاح غادي يتاصل بيك
انا: وازمر هضري بشوية دابا يسمعك و نوليو فالماشاكيل عاوتاني
مريم: لماشاكيل انتي لي كتقلبي عليهم ارباب اش داك تعيطي ليه وتقولي ليه فين كاينة اش بغيتيه اصلان
انا: غير سكتي انتي مافهمة والو
فهد: اوي فهمينا الالة رباب
تصدمت ماعرفت باش تبليت ياك كان ناعس كيفاش سمعنا داكشي لي خفت منو طحت فيه
انا بقيت كنبلع ريقي مالقيت مانقول بقيت غير كنتمتم
فهد: مريم لله يخليك دي جيهان و خرجي خليني نهضر مع رباب
مريم : اوكي (خرجو وخلاوني معاه لقفقافة شاداني )
فهد:انتي اجي هنا حدايا نهضر معاك
انا: صافي اعادل افهد غير تهدن
فهد : تلفو عليك سميات كاع اجي ماحدي كنهضر بالخاطر
انا: واخا غير تهدن وانا غادي نشرح ليك (مشيت جلست حداه)
فهد:ياله اش عندك ماتقولي الالة رباب علاش عيطي ليه توحشتيه ولا اشنو
انا:فهد ماتزيدش فيه عاوتاني انا كنعتابر هشام بحال خوية و..
فهد: مممم خوك و هو كيعتابرك بحال ختو ولا اش ماكنضنش جاي علي قبلك من لمغرب لأمريكا زعما ونعم الاخوة
انا: صافي افهد ماتمرضنيش لله يرحم باك
فهد: اهه دابا شكون كيمرض لاخر انا بغيت غير نفهم واش كانبان ليك انا بوكيمون ولا اش ماعجبتكش انا ماعمرتش ليك لعين هضري
انا غير ساكتة ماعندي مانقول ماعرفت مانقدم ولا مانوخر انا براسي ماعرفتش علاش عيط ليه ناري مشيت فيها وفهد كيهضر معايا وانا ساكتة حتي كعا بالبيان و جرني من شعري بقوة حتي تقصحت
فهد: ياله هضري جاوبيني قولي شي حاجة
انا: فهد لله يخليك طلق مني راه ضريتيني
فهد: لله يخليك انتي نيت اما انا ماكرهتوش يديني باش تهناي مني بمرة ولله الي هادي زوينة انا شي وحدة مابيني بينها والو غير مصاحبين ولا كندوز بيها لوقت كانبغيها تبقي ليا بوحدي حتي حد مايشاركني فيها حتي نسالي منها و ديك ساعة ضبر لراسها عاد مرتي ومامات ولدي نقبل عليها هادشي ولله حتي نصفيها ليه
ماجاوبتوش بقيت ساكتة وعاطياها لبكة هادشي لي قدرت عليه هو باش كنفك راسي
فهد: بديتي عاوتاني واش انا نهضر معاك 2 هضرات تبداي تبكي
انا: صافي افهد راه قصحتيني طلق مني وهضر ديك ساعة
فهد: علاش قلتي ليه يجي لهنا ياله دابا جاوبيني شي جاواب مقنع ديك ساعة نطلق منك
انا: ماعندي حتي جاواب
فهد: ها لي قلنا يعني توحشتيه
انا: لا صافي زدتي فيه بلا قياس راه 4سنين و هو قدام عيني ماعمرني ماديتها فيه كانشوفو فالصباح و فليل ماعمرني فكرت فيه كون كنت نيت بصح توحشتو كنت غادي نرجع عندو ماغاديش نبقي معاك انت انا تخليت علي بلادي و قبلت نعيش معاك هنا حيت كنبغيك هو غادي يعرف بلي انا مرة مزوجة وحاملة وكانبغي راجلي شحال من عام وانا كنتسنا فيه دابا لقيتو مامستاعداش نتخلي عليه انا عيطت عليه حيت ختك كتبغيه مابغيتهاش تبقي بعيدة عليه مابغيتهاش تعدب كيما تعدبت انا
فهد: كيفاش دابا انتي جايبة سيد حتال لهنا علي قبل جيهان والي كان هو ماباغيهاش غادي تبززيها عليه
انا: فهد انا كنعرف هشام هو فاللول كان بغا جيهان قبل مايعرفني ولكن هي ماكنتش كتعطيه وقت حيت كانت مريضة كانت فاقدة الامل دابا ولات لاباس عليها حمد لله حتي هي من حقها تزوج هو عارفني كنبغيك يعني غير كيعدب راسو معايا من لاحسن ينساني و يشوف شي وحدة كتبغيه وحتي هو يبغيها وماغيلقاش ماحسن من جيهان وبغيت نعرفو عليك حيت كنت ديجا كنعاود ليه عليك كان ديما كيقول لي نموت ونشوف هاد عادل لي خدا قلبك ومدوخك هاد دوخة كاملة ودابا جا لوقت باش يشوف هادا لي مدوخني و محرر فيا عيشتي منهار عرفتك ماتهنيت
فهد: ولله الي انا لي دخت دابا بهاد تخربيق ديالكم
هي كتبغيه وهو كيبغيك وانتي كاتبغي واحد اخر وداك لاخر كيبغي وحدة خرا
شنقت عليه حتي وعتو
انا: شكون هادي لي كاتبغي ياك دابا بنتي علي حاقيقتك يعني كنتي غير كاتفلي عليا
فهد: اصلان انا هادشي ديالك ماداخلش ليا لراسي صحاب ليك تقت بدوك جوج كلمات لي قلتي حتي نبرا وديك ساعة غادي نتفاهو
انا: واتيق ولا لهلا تيق شغلك هاداك انا قلت لي عندي
فهد: وهاد سي هشام ديالك حتي نشوفو بعدا اش تحت راسو و علي لله يدير شي تصرف ماشي هو هاداك ديك ساعة نوريكم اش كنسوا
انا: انا بعدا عرفتك ماكتسوا والو
فهد: انتي عرفتيني هو ماعرفنيش دابا عرفتي اش غاديري نتي وديك خيتي لخرا غادي تمشيو لدار انا غادي نعيط علي وائل ولا امين يجي يديكم
انا: لا بلا ماتعدب راسك وتعيط ليه انا اصلان معولة نمشي نجلس عند نتاشا انا وجيهان
فهد: الي بغيتي نعطب مك من شي قنت ديريها
انا: شوف انا هاديك دار مابقيتش حاملاها ماغاديش نرجع ليها الي قديتي تعطب مي غير عطبني حتي تبرا بعدا عاد هضر
فهد: دابا ياكما صحاب ليك مريض ماغاديش نقد عليك ماعليناش اوي الالة عطي لله ديور لي بغيتي سيري ليها دوك تيليفونات لي مضسرينكم غادي نحيدهم ليكم غاندير علي مكوم لحراسة ولي نسميها مرة فيكم تعتب باب دار ديك ساعة غادي تشوفي شي حاجة خرا كتر من مكنسواش
انا: اوي هادشي بزاف لحبس هادا
فهد: حبس حبس باش نوري لمك كيفاش تحدايني وتقولي لي حتي تبرا عاد هضر
عيط علي وائل وامين وجاو قال ليهم داكشي لي غايديرو
وائل: علاش هادشي كولو افهد
فهد: ديها فسوق راسك هاديك مراتي و هاديك ختي ندير فيهم لي بغيت و ياويلك تخالف هادشي لي كانقول ليك هاد لمرة ولله حتي نفضيها ليك
وائل: واخا اشاف هاحنا مشينا بسلامة
مشينا مع وائل وامين لفيلا دخلنا جمعنا حوايجنا و مشينا لدار خرا لقينا فيها 2 خدامات تعرفنا عليهم انا وجيهان كل وحدة شدات بيت وائل وامين مشاو عند فهد انا ستفت حوايجي دوشت و هبطت لقيت جيهان مجمعة مع دوك لخدامات مشيت انا كاندور فلفيلا حتي حفضتها حليت باب دار بغيت نخرج لجردة حتي وقفو عليا واحد جوج بحال لي بوديكارد
انا: مالك حابسني حيد من طريقي خليني ندوز
رجل؛ لا امدام ممنوع تخرجي من هنا
انا؛ شنو زعما غادي تحبسني هنا ولا اش شكون تكون باش توريني اش ندير
رجل : سمحي ليا امدام انا كنفد غير أوامر سي فهد عفاك امدام خلينا نديرو خدمتنا مابغينا ماشاكيل مع ميسو فهد
انا: اوكي (دخلت عند جيهان)
انا: شوفي هاد خوك ولله الي تسطي حتي جردة حبسنا مانخرجوش ليها و موقف ليا جوج حلالف قدهوم قداش ولله الي زاد فيه
جيهان: انا ماشي شغلي انتي وياه دايرين بحال لمش ولفار دغيا كادابزو ودغيا كتصالحو ولي دخل بيناتكم خاصو لعصة
انا: انا دابا كانشكي عليك و انتي قمعتيني لله يمسخك
جيهان : اوي اش غادي نقول ليك انتي وياه واخا كادابزو وتقلقو علي بعضياتكم والكن راه حتي واحد منكم مايقدر يعيش بلا تاني حتي انتي راه كاتزيدي فيه انتي عارفة راجلك مغيار و عصبي و وكاديري غير داكشي لي كيعصبو علاش ماتفادايش لماشاكيل و تهناي فهد كيبغيك وهادشي كولو لي كايدير راه غير حيت كايبغيك انتوما بحال اي جوج مزوجين ضروري من شوية لماشاكيل والكن خاصكي غير تعرفي تصرفي وحافضي علي راجلك الي بقيتي كاديري داكشي لي ماكيبغيش و ديما فيك لغوات راه واخا يكون كايبغيك غادي يمل و يقلب علي وحدة خرا يلقي معاها راحتو وراك عارفة خدمت فهد فيها غير الماشاكيل و صداع نهار كولو وهو فيه ملي كايجي لدار كايبغي شي حضن حنين يدفيه و يحسو بالامان ماشي يجي و يلقي لماشاكيل و نقير معاك حتي انتي كوني علي بال ارباب
انا: ولله الي عندك لحق هاي هاي علي جيهان حتي هيا ولات كتعرف تهضر ههه
عند فهد فالمستشفي
فهد: امين درتي داكشي لي قلت ليك بالحرف
امين: اه افهد غير بغيت نعرف علاش هادشي كامل اشنو دارت رباب حتي درتي هادشي كامل
فهد: سيدة كتهضر مع هشام فالتيليفون و جا عندها حتال لهنا انا مابغيتهمش يتلاقاو داكشي علاش درت عليهم لحراسة باش ماتقدرش تشوفو حتي نبرا بعدا وديك ساعة يحن لله
امين: لا ماتقولهاش اش بغات من عندو
فهد؛ هادشي لي ضرني فراسي اش بغات عندو واش زعما تكون توحشاتو وبغات تشوفو
امين: هههه لله يهديك اصاحبي راباب محال كتفكر فهادشي لي كاتقول هي كتبغيك انت
فهد: حتي انا كنبغيها وكنموت عليها أأمين والكن هاد تصرفات ديالها كيعصبوني كتجيني بعد لمرات ماكتحملش مسوؤلية ماكتفكرش قبل ماتاخد شي قرار اي حاجة قالها ليها راسها كاديرها ماكدرب حساب لوالو
امين: نقدر نكون ماعشرتهاش بزاف ديال الوقت ولكن اول مرة تلاقيت انا وياها كانت فشكل ماشي هاكا كانت رباب ب20راجل حتي حاجة ماتغلبها كانت صارمة ملي كنت بغيت نجيبها لهنا كنت سولت عليها هشام عاود ليا عليها مسكينة كانت هي لي هازة مسوؤلية ديال ختك ملي ماتو عائلتك خرجات من لقراية و خدمات واخا كانت كاتلقا مشكيل مع الرجال لي كتخدم معاهم ولكن كانت قادة براسها صبرات وتحملات حتي تلاقات هي وهشام وخدمات معاه ديما لبنات لي دايرين بيها يخرحو و يضحكو هي من لخدمة لدار ماكانش عندها مع بنادم واخا تشوفها بنت ولكن من لداخل كانت قاسية علي راسها ماكضحكش ماكتخرجش غير لضارورة ملي تلاقات معاك ولات رباب خرا ماشي رباب لي عرفت نهار للول كانت كضحك معك من نيتها تفتحات مابقاتش صارمة و لقات معاك راحتها الي كان هادشي كولو تحملاتو هاد لبنت فقدات عائلتها وبقات بوحدها فهاد دنيا ضحات علي قبل شحال من واحد جاي تقول ليا انت ماكتحملش لمسوؤلية باركة غير هادشي لي تحملاتو شحال هادي كانت هي لي مسوؤلة دابا ملي لقاتك انت وليتي مسوؤل عليها
فهد: هادشي كولو عرفتو اامين داكشي علاش كانبغيها قد هاكا وتستاهل كلشي والكن
امين: ماوالكن والو ماتنساش بلي هي حاملة و مازال كتوحم باينة غير كتفشش عليك رباب ذكية ضروري غاتكون شي ان تما ملي جابتو هنا شحال من مرة كاتخطط لشي حاجة فاللول كنضلموها وفالخر كاطلع واعرة انا بعدا نتوقع منها اي حاجة الا تكون كتفكر فشي واحد من غيرك خاصك غير تيق فيها
فهد: انا تايق فيها كتر من لقياس
امين : اوي مزيان ودير فبالك بلي كون بغات ترتابط بشي واحد اخر كون رتابطات 10سنين هادي ماشي حتال دابا هي كتبغيك و بقات كتسناك كيما واعداتك حيد هاد لوسواس من راسك
فهد: الي قلت ليك توحشتها واخا كانت عندي اجي ماعرفتيش امتي غادي نخرج من هنا
امين: بلا ماتفكر فالخروج دابا حيت باقي ليك بزاف ديال لوقت علي ماتبرا علي الاقل 20يوم يعني حتي توحشها مزيااااان ههههه
فهد: الي كان عليا انا كنتوحشها وهي حدايا والكن ماعرفت واش هي غتوحشني ولا لا
امين: ههههه مع لوقت غادي تعرف واش توحشاتك ولا لا اوي نعس رتاح شوية انا غادي نقدي واحد لغاراض و نرجع عندك
دازت 34يوم ماعمرني شفت فهد ولا هضرت معاه دوزتها غير مع جيهان و مرة مرة كاتجي عندي كارولين ولا نتاشا ولا مريم كايونسوني انا وجيهان دازت عليا بالمرض ليوم فقت لبست حوايجي فطرت شربت دواء و جلست كنتفرج حتي جا عندي امين وكارولين
انا: اهلن امين اش هاد لغيبة 
امين: ولله الي غير لخدمة وانتي اش خبارك
كارولين : كيف دايرة مع لحمل
انا: اوي كنسلكو واخا هاد 34 يوم راك شفتي كيدازت عليا لوحم صعيب لي كليتها كنرضها
امين : واش ماشفتيش طبيب
انا: راه ممنوع عليا نخرج كنت كانشرب غير دواء و نعاس
امين: رباب علاش ماقال لينا حتي حد راك مريضة كون جبنا ليك طبيب الي ساق فهد لخبار ماغاديش يعجبو لحال انا: حتي انت بلا ماتقول ليه والو
كارولين: زعما انتي معاقبة ماتعتبيش باب دار كيفاش درتي اختي حتي قدرتي تصبري هاد 34يوم كاملة باز ليك
انا: عادي ماعندي اصلان فين نخرج لحاجة لي ماقدرتش نصبر عليها هو مانشوفش فهد هاد لوقت كامل ماتصوريش شحال توحشتو ديما كنبغي نهضر معاه فتيليفون ديال وائل و هو ماكيبغيش انا عارفاه مقلق مني كيف بقا بعدا هو
امين:صافي مابقاش بزاف ويخرج هو لاباس حمد لله
مشاو فحالهوم وانا دوزت نهار كيف ديما بليل كليت شوية وشربت دواء و مشيت نعست لغد ليه حسيت بشي واحد كيلعب ليا فشعري حليت عيني لقيتو فهد عنقتو بجهد كنت توحشتو بزاف مابغيتش نطلق منو
فهد: رباب رجوع لله راه غادي تقجيني
انا : ناري حرام عليك افهد كيفاش قدرتي تبعد عليا هاد لمدة كلها كنت غادي نتسطي كون ماشفتكش توحشتك بزاف انت خايب
فهد: ههه حتي انا توحشتك بزااف احياتي لكريشة مزال مكبرات
انا: لا مازال مابقي ليها والو مسكين ولدك حتي هو توحشك
فهد : حتي انا توحشتو وتوحشت ماماه بزاااف انا غادي ندوش ونجي نجلس مع حبيبتي لي توحشتها موت
مشا يدوش جات وحدة من لخدامات
خدامة: مدام رباب جيت نشوفك و لاباس عليك ليوم فاتك لحريق ودوخة شوية بعدا
انا: مغسي حمدلله ليوم بيخير
خدامة: اوكي خليت ليك راحة ملي تحتاجي شي حاجة قوليها ليا
مشات و فهد دوش و لبس حوايجو وجا تخشا حداية كنلعب بشعرو باقي سارد
فهد: حياتي سمعتها قالت ليك واش فاتك لحريق ودوخة واش كنتي مريضة
انا: لا غير لوحم داكشي ضروري منو
فهد: واش باقي مريضة نمشيو عند طبيب
انا: اوكي ولكن ماشي دابا ليوم غير رتاح حتال غدا ونمشيو
فهد:لاانا راحتك هي راحتي غانمشيو ليوم
بقا كيضغط عليا حتي مشيت عند طبيبة طمناتنا علي لبيبي وشفناه صغيور عرفت بلي عندي بنت فهد فرح حيت هو بغا بنت انا كنت بغيت ولد ولكن حمدلله لي جات منعند لله مزيانة خرجنا من عند طبيبة و مشينا نتغداو فريسطو
فهد: ههه وائل كان عارف واش بنت لي عندك حتي انا كنت حاس ماتصوريش شحال فرحان ههه بلا ماتكعاي مرة خرا تولدي ولد لي بغيتي
انا: هههههه نشاء لله بحال بحال مهم انت هو باباه
فهد: وي حياتي دابا كولي باش نمشيو
كلينا ورجعنا لدار بدلنا حوايجنا وفهد ضربها بنعسة
جات عندي مريم جايبة عرام ديال تصاور ولمجلات كتقلب علي كسوة ديال لعروسة و بغاتني نختار معاها ختاريت معاها وحدة عجباتني من اول نظرة لسقت عليها دازت 5 ايام وعيطات عليا لدارها طلبت فهد نمشي عندها انا وجيهان و خلانا لقيناها شرات لكسوة لي عجباتني
انا: واش شريتها عجباتك
مريم : وي عجباتني اصلان زوينة ولله الي وفرتي عليا قوة تقلاب دوقك زوين
انا: هانية ازين نهار عرسك ملي تلبسيها ديري مكياج خفيف و طلقي شعرك سامبل و تاج غادي تجيك كتحمق
مريم : غادي نعيط علي واحد لبنت كوافورة ساكنة حداية تجي تعاوني نختار مكياج و مشيطة راه مابقا ليا والو لعرس خاصني نكون موجدة كلشي وعارفة اش غادي ندير
عيطات عليها وبقينا مجمعين قالت ليها داكشي لي بغات مريم : رباب عفاك جربي لكسوة نشوف كيف جاتك اي حاجة كتجي معاك كتعجبني
لبستها وجات قدي جاتني غزالة تقول ديالي
لكوافورة: شوفي انا غادي ندير ليك لمكياج ولمشطة لي بغات هي ونشوفو كيجات معا لكسوة
مريم : وي حتي هادا حل
ماخلاوش ليا وقت نجاوب قادات ليا شعري سامبل وبوكلي من لتحت ومكياج خفيف عكر حمر ودارت ليا الاكسيسورات لبست صندالة عالية ديال لكسوة جيت فنة مريم عجبها دوقي بزاف
مريم: ناري جاتك لكسوة واعرة زعما بحال هاكا غادي تجيني
انا: وي زوينة غادي تجيك غزالة
مريم : بلاتي ماتحيدي والو انا غادي نجيب لكاميرة باش نصورك تبقي عندي
مشات و تبعاتها جيهان تعطلو بزاف هبط نشوفهم تلاقيت مع وائل كان كيبان مخلوع
انا: ياك لاباس مالك
وائل: امين دار كسيدة و دابا هو فصبيطار انا غادي عندو
انا :(بصدمة ) اويلي بلاتي نبدل حوايجي و نجي معاك
وائل : لا غادي تعطلي غير ياله هكاك نشوفوه بعدا كيداير و ديك ساعة رجعي بدلي
ماخلاش ليا فرصة جرني من يدي ركبنا طوموبيل كانبان بحال الي هاربة من شي عرس
وصلنا لواحد لبلاصة جرني عاوتاني دخلنا ليها و انا نتصدم
قا وائل كيجري و جارني معاه حتي دخلنا لبلاصة مخصصة لأفراح كانت كبيرة وزوينة بزاف ديكور واعر وفيها ناس كتار فهد لابس كوستيم كحل كيبان انيق ماعرفتش كيفاش ماعقتش بيهم انا بقيت دايرة يدي علي فمي من صدمة وفرحة ودهشة ماعرفتش باش تبليت كانت شي حاجة فوق لخيال بالنسبة ليا عرس اروبي راقي وساحر بكل معني لكلمة تبهرت بالمكان وديكورات حتي جا عندي فهد
فهد: جيتي زوينة يا أحلي عروسة فالعالم
انا: هادي تاني مرة كتزوج بيا بلا ماطلب رائ ديالي هههه
فهد: بغيت نديرها ليك مفاجئة ياكما عوتاني ماعجباتكش
انا: لا بلعكس عجباتني احسن مفاجئة فحياتي هي هادي
ركع علي رجليه وجبد خاتم غزال
فهد:هههه رباب واش تقبلي تزوجي بيا علي سنة لله ورسوله
انا: ههه اه احياتي قابلة
لبسني لخاتم كلشي كيبارك لينا كاع صحاب فهد
جون : مبروك افهد مبروك ارباب مابقي لي والو حتي انا ونتبعكوم كنضن بلي لقيت نصفي تاني
انا: لا ماتقولش ليا نتاشا
نتاشا : وي انا ماعجبتكش
انا: بلعكس فرحت ليك مبروك عليكم حتي نتوما
فهد: حتي انت طلعتي عفريت دغيا ضبرتي علي رسك
جون : اوي انت تزوجتي اش غنبقي انا ندير
بدات لموسيقي كولشي كيشطح حتي انا وفهد شبعنا شطيح بقينا كنضحكو ونشطحو حتي بان ليا واحد شخص ماتوقعتش يكون هنا
هشام : مبروك ارباب ولله الي فرحت ليك
فهد: ربي يخليك اخوية هشام
هشام : نوصيك علي رباب تهلي فيها راه تستاهل كل خيير ماتقلقهاش راه كتبغيك شحال كانت كتعاود ليا عليك
فهد:رباب فعينية ماتخافش عليها
هشام : مالكي ارباب مابغيتيش تجاوبيني
انا: (مصدومة) لله يبارك فيك ولعقبة ليك حتي انت راك بديتي كتشرف و مازال ماتزوجتي
هشام: لا صافي مابقا ليا والو
انا: اوي لله يسخر
هشام : امين
مريم :مبروك عليكم
انا: واخا عليك العفريتة درتيها بيا
جيهان: هههه مهم هو عجباتك المفاجئة
انا :وي مغسي لله يخليكم ليا كاملين
وائل: انا بعدا فرحان غير حيت غاتولدي بنت ياك كنتي واعدتيني غادي تخليني نلعب بيها اح نلعب معاها
انا: اه لعب معاها وانت لي غادي تسميها اش باقي بغيتي
فهد: خاصك غير تجيب شي سمية زوينة واخا انا عارفك مقفرها
وائل: من دابا غادي نبدا نقلب علي شي سمية زوينة
امين: ايه وانا نسيتوني
انا : لا حاشا انت هو كلشي
امين: ربي يخليك احبيبتي دابا ياله نشطحو راني فرحان لخوية فهد
فهد: من بعد نتفاهمو علي هاد حبيبتي هادي حبيبتي غير انا (كلنا تفرشخنا بالضحك)
كارولين؛ امين ليوم كتر من شراب لا هو لا فهد غير لله يستر معاهم هههههه
مشينا شطحنا كلنا كلهم بغاو يشطحو معايا واحد كيلوحني لواحد شطحت معاهم كلهم باش حتي واحد مايبقي فيه لحال فواحد لحظة غفلني فهد بواحد لبوسة فمي مابغاش يطلق مني قدام الناس حشمني ولد لحرام حتي بدا كلشي كيصفق لينا شبعنا ضحك قطعنا لحلوة درنا تصاور حمقين مع صحابنا مهم داز احسن نهار فحياتي مع حبيبي وناس لي كايبغيوني وكنبغيهوم سالا لعرس فوقت معطل و مشيت انا و فهد لوطيل ...
مشينا لوطيل دخلنا الجناح ديالنا دخلت انا دوشت رتاحيت و لبست حوايجي و خرجت تكيت فالفراش دخل حتي فهد دوش خرج و جا تكا حداية بقينا كنهضرو
فهد: حبيبة ياكما نعستي
انا: لا احياتي غير متكية عيت ليوم ماتصورش شحال فرحت 
فهد: ياك بعدا عجباتك المفاجئة
انا :وي عجباتني و مول لمفاجئة عجبني كتر جيتي زوين كاع لبنات كانو مقابلينك ماكرهوش هما لي يكونو بلاصتي ههههه
فهد: حتي انتي جيتي كتحمقي انا خليتيني بلا عقل
انا: اجي شكون عرض علي هشام
فهد: انا
انا: وانت فين كاتعرفو بعدا
فهد : ملي جا لهنا عيط لأمين و شافو عاود ليه كلشي و جاو عندي واحد النهار لمستشفي بقينا شحال كنهضرو عاود ليا عليك طلع ولد الناس وضريف كيما كنتي كاتقولي عليه مهم بقا كايجي مرة مرة مع امين عندي وعرضت عليه
انا: اوي شفتي اش قلت ليك راه ضريف غير انت لي كتعصب علي والو
فهد: اوي انا كنغير علي حبيبتي ولا ماشي كن حقي
انا: لا من حقك كلشي احياتي
فهد: اوي هي الي عطيتيني البوسة ديالي بغيت نعس
بستو و نعس بقيت انا كنتقلب شحال عاد نعست
مهم دازت 4شهور مورا لعرس ديالي انا وفهد مابقيناش كندابزو بزاف هو شاد ليا لخاطر لي طلبتها منو كيديرها نهار علي نهار كنبغيه كتر دابا انا فشهري 6 كرشي ولات كبيرة ديما وائل وفهد كيضحكو عليا عقدوني هه
نتاشا و جون دارو لعرس و عرضو علينا لبست كسوة عريضة شوية وقاديت شعري ومكياج خفيف ومشينا نشطنا مزيان شطحت شوية واخا متقلة وائل يدور دورة ويضحك عليا
وائل: رباب نعلي شيطان و جلسي راه دابا تحطي لبنت هنا المسخوطة ههههه
فهد: قولها ليها راه ماكتسمعش هههه
انا: واش صحاب ليكم غير اجي و ولد ولله الي حمقين
جيهان: ناري ارباب تصوري تولدي لنتاشا فعرسها شوها هههه
هشام: بحال والو بنتك طلع بحالك عزيز عليها شطيح
كارولين: داكشي لي بان ليا حتي انا
امين: خليو عليكم رباب واش ماعندكومش شغل اخر من غيرها
مريم: راه غير شادين فيك ارباب شطحي مع راسك ههههه
مهم دوزنا داك العرس مزيان نتاشا كانت فرحانة حتي انا فرحت ليها اخيرا لقات راجل لي ينسيها فماشاكيلها وتبدا معاه من جديد
دازت ايام بديت كنشغل راسي بتوجاد البيت ديال بنتي قاديتو علي دوقي شريت ليها لحوايج وكلشي داكشي لي خاص كانتسناها تشرفنا بفارغ صبر بغيت غير وقتاش نهزها بين يدي و نلعب معاها وائل مسكين مكرفس غير مع سمية دياله
انا دابا فشهر تاسع ديالي مابقي ليا والو واخا مشغولة هاد الايام مع توجاد لعرس ديال جيهان وهشام اخيرا حتي هوما تافقو يتزوجو و يديرو ولدهم كل نهار نقلبو ليها علي كسوة ديال لعروسة حتي حاجة ماعجباها حتي لأخر لحظة عاد لقات لي بغات نهار كولو فدوران كنرجع لدار مهدودة
ليوم رجعت عيانة مع متقلة وليت كنعيا دغيا دوشت و نعست حتي جا فهد من لخدمة و بقا كيقيس فكرشي و كيهضر مع بنتو
فهد: حبيبت باباها امتي غادي تشرفي انا كنتسناك بغيت غير نشوفك
انا: صافي مابقي والو عنداك غير تشوفها و تنساني انا
فهد: علاه انا نقدر نسا حياتي ماكيناش شي حاجة فهاد دنيا تنسيني فيك احبيبة
انا: ربي يخليك ليا
وصل نهار لعرس ديال جيهان جات غزالة بزاف حتي هشام جا زوين جاو مع بعضياتهم كان عرسها رائع نشطنا فيه كلهم شطحو الا انا بقا فيا لحال هههه حتي قرب يسالي لعرس عاد شطحت شوية ورجعت جلست كان وائل جالس حداية قتلني بضحك كنحس براسي غادي نولد بضحك
مريم: وائل باركة علي رباب من ضحك راه دابا تفرقع بالضحك
وائل: انا مالي راه غير كنهضر معاها كتبدا ضحك تقول كنهرها
انا: ههههه لله يمسخك صافي غير سكت ماتبقاش تهضر
فهد:ولله الا غادير فينا خير الي درتها اوائل وسكتي راه ضحك ديال رباب كيتسمع من لمغرب ههه
انا: لاواه من المانيا
بقينا كنضحكو و كنهضرو ياله باغات تمشي لعروسة وراجلها لوطيل انا طلقت واحد لغوتة كلشي كيشوف فيا فهد تخلع
فهد: رباب مالكي ياك لاباس
انا : (عاطياها لغوات) اوف جاني لوجع واقيلة غادي نولد دابا افهد
وائل: امين عيط لأسعاف يجيو دابا
عيط امين لأسعاف و جاو داوني
مشيت لمستشفي كلشي لي كانو تما لحقو عليا حتي جيهان مسكينة ولدت لحمد لله بخير و بنتي بصحة جيدة داوها غسلوها و لبسو ليها واحد لبيسة كان جابها ليها باباها من الدار من بعد ما رتاحيت دخلو عندي لشومبر فاش كنت
فهد: حبيبة كيف بقيتي لاباس عليك
انا: حمد لله فين هي بنتي
فهد: واحد شوية ويجيبوها ليك تشوفيها
كلشي بارك ليا و جيهان مسكينة بقات بكسوتها
جيهان: لله ارباب ماقدرتيش تصبري حتي نهار واحد
هشام : ولله الي مت بالضحك راه بنت خوك لي زربانة تخرج لدنيا
فهد: ههههه عبرات عليك خلاتك حتي أخر لحظة وخسرات ليك لعرس ههههه
من بعد ماطمأنو عليا وعلي البنت مشاو فحالهم
واحد شوية جا وائل هاز بنتي كيبوس فيها لغزالة صغيورة ورجليها صغيورين كلشي صغير فيها
وائل: الله ارباب ولدتي بنية كتحمق
فهد: باركة عليها من لبوسان راه غادي تقاديها
وائل: وينو هادشي صغير بزاف ولله الي تلفت دابا اش غادي تبدا تعيط عليا خالي لا عمي
انا: بجوج قول ليا فكرتي فسمية ولا والو
وائل: غفران عجباتني
فهد: ولله الي زوينة غفران
انا : صافي نسميوها غفران
دازت 3ايام خرجت من صبيطار فرحنا بزاف بغفران كتشبه لباباها فلعنين علي مزيناتهم كانت محبوبة من طرف الجميع لي جا عندنا كيبقي هازها ويلعب معاهاا وائل كيحماق عليها ديما كايجي باش يشوفها
دابا بنتي عندها 4سنين حتي هي كتحماق علي رقص من صغرها غير تسمع لموسيقي و تبدا حتي هيا كاتقتل بالضحك انا دابا حاملة فشهري التاسع
انا وفهد عايشين حياة سعيدة عوضني علي كاع سينين لي عشتها بعيدة عليه كانبغيه بزاف مانقدرش نتصور حياتي من غيرو هو و بنتي غفران و ولدي مهيب
النهااااااااااااااااية